Жаңалықтар

Жаңалықтар Azan.kz жаңалықтары ҚЫЗЫЛ АЙМАҚ: Алматы қаласы мешіттерінде 13 наурыздан бастап жамағат намаздары уақытша оқылмайды (ФОТО)

ҚЫЗЫЛ АЙМАҚ: Алматы қаласы мешіттерінде 13 наурыздан бастап жамағат намаздары уақытша оқылмайды (ФОТО)

11.03.2021 3 109 0

Бүгін Алматы қаласының өңірлік коммуникациялар қызметінің ұйымдастыруымен эпидемиологиялық жағдай бойынша «қызыл» аймаққа көшуді ескере отырып, қаладағы діни объектілердің жұмыс мәселесі жайында онлайн брифинг болып өтті.

Онлайн басқосуда қала тұрғындары арасында СОVID-19 коронавирустың инфекциясының (бұдан әpi – C0VID-19) таралуының алдын алу мақсатында Алматы қаласының Бас мемлекеттік санитариялық дәрігері Жандарбек Бекшиннің 2021 жылдың 10 наурыздағы №9 қаулысында келген діни объектілердің жұмыс мәселесі талқыланды.

Брифингке Алматы қаласы әкімідігінің қызметкерлері, Алматы қаласы дін істері бойынша Басқармасы басшысының орынбасары Ерғали Көшеке, Алматы қаласының бас имамы Еркінбек Шоқай және қалалық БАҚ өкілдері қатысты.

Ең алдымен сөз алған Алматы қаласы дін істері бойынша Басқармасы басшысының орынбасары Ерғали Көшеке қаланың Бас мемлекеттік санитариялық дәрігерінің қаулысы 13 наурыздан бастап күшіне енетінін жеткізіп, қала тұрғындарын барынша сақтық шараларын сақтауға шақырды. Сондай-ақ, карантиндік талаптар бойынша қаладағы діни объектілерде ұжымдық ic-шараларды өткізуге тиым салынатынын айтты.

Ал Алматы қаласының Бас имамы Еркінбек Шоқай пандемиялық жағдайға байланысты қала мешіттерінде уақытша жамағат намаздары оқылмайтынын, оның орнына карантиндік талаптарды сақтай отырып жекелеген құлшылықтарды өтеуге болатынын айтты. Мешітке келуші жамағаттың бетперде тағу, антисептик қолдану, дене қызуының 37 градустан жоғары болмауы, намаз оқудағы арақашықтықты сақтау сынды мешітке кіріп-шығу ережелеріне тоқталды. Сонымен қатар бас имам қала тұрғындарын Алланың ұлы нығметі – денсаулыққа жіті көңіл бөлуге, сындарлы сәттегі ел тағдарына алаңдаған оң шешімдерге түсіністікпен қарап, елмен бірге бар қиындықты еңсеруге, сақтық шараларын сақтауға шақырды.

МЕШІТКЕ КЕЛУШІЛЕРГЕ ҚОЙЫЛАТЫН КАРАНТИН ТАЛАПТАРЫ МЕН САҚТЫҚ ШАРАЛАРЫ

- Мешіттерде жамағатпен (бес уақыт намаз, жұма намазы, тарауық намазы) намаздар оқылмайды;

- Дене қызуы 37⁰-ден жоғары, сондай-ақ тұмау және басқа да ауру белгілері бар адамдар мешітке келмеуі керек;

- Мешітке келушілер температура өлшейтін арнайы термометр (тепловизор) арқылы тексерілуі қажет;

- Мешітке кіруден алдын антисептикалық құралдарды пайдалану қажет;

- Мешіт имамдары және мешітке келушілер міндетті түрде бетпердемен жүруі керек;

- Мешіт ішінде ұзақ уақыт қалмау қажет. Мешітте болу ұзақтығы – 15 минут;

- Мешітте жамағат бір-бірімен қол алыспау қажет;

- Мешітке келушілердің арақашықтығы 2 метр болуы керек;

- Мешіт дәретханаларын қолдану барысында арақашықтықты және сантитарлық талаптарды сақтауы тиіс;

- Мешіттерде ауа алмасу жүйесі жақсы жүру үшін есіктерді ашып, желдетіп тұру қажет;

- Намаз оқитын, Құран бағыштайтын, неке қиятын залдарға күнделікті залалсыздандыру жұмыстарын жүргізу қажет.

Алматы қалалық Орталық мешітінің баспасөз қызметі

ДЕРЕККӨЗІ Azan.kz

Ислам ақпараттық-ағарту порталы

Оқырмандардың пікірі (0)

Қызықты тақырыптар

САРЫ АЙМАҚ: Алматы қаласы мешіттерінде жұма намазы оқылмайды

Коронавирус таратпау жөніндегі ведомствоаралық комиссиясының аймақтар бойынша жаңартылған деректері мен эпидемиологиялық ахуалды бағалау матрицасына сәйкес, Алматы қаласы сары аймаққа енді....

04.03.2021 2 289 0

Ақпан айындағы жат ағыммен күрес жұмысының есебі

Алматы қаласында деструктивті діни ағымның ұстанушысы болып табылатын азаматтармен профилактикалық жұмыстар Қазақстан мұсылмандары діни басқармасына қарасты мешіттердің оңалту жұмыстарымен айланысатын теологтарын және қалалық Дін істері жөніндегі басқармасының Кеңес беру және оңалту орталығының мама...

02.03.2021 1 342 0

Алматы: Бас имам қала тұрғындарын Алғыс айту күнімен құттықтады

Құрметті қала тұрғындары! Қадірлі мұсылман бауырлар! Сіздерді достық пен татулыққа, ынтымақ пен бірлікке, бауырмалдық пен отансүйгіштікке үндейтін мемлекеттік Алғыс айту күнімен шын жүректен құттықтаймын....

01.03.2021 2 331 0

1 наурыздан бастап «Жасыл аймақтағы» барлық мешітте жұма намазы оқылады

Бүгін Премьер-Министр орынбасары Ералы Тоғжановтың төрағалығымен Қазақстан аумағында коронавирустық инфекцияның таралуына жол бермеу жөніндегі ведомствоаралық комиссияның (ВАК) отырысы өтті....

25.02.2021 1 343 0

Алматы: Қайырымды жандар 34 отбасыға көмір түсіріп берді (ФОТО)

ҚМДБ-ның төрағасы, Бас мүфти Наурызбай қажы Тағанұлы хазреттің бастамасына орай, Алматы қаласы өкілдігінің «Зекет және қайырымдылық» қоры «Жылулық сыйла!» қайырымдылық аяциясы аясында 34 отбасыға 37 тоннаға жуық көмір түсіріп берді....

22.02.2021 1 960 0

Алматы Орталық мешіті «Тайқазан» жобасы аясында 100 отбасыға көмек көрсетті (ФОТО)

ҚМДБ-ның Төрағасы, Бас мүфти Наурызбай қажы Тағанұлы хазреттің бастамасына орай, республикалық «Тайқазан» жобасы аясында, «Кең болсаң, кем болмайсың» қайырымдылық марафоны Алматы қалалық Орталық мешітінде жалғасын тапты....

22.02.2021 3 157 0