ҚАЗЫНАЛЫ ҚАРТТАР КҮНІ ҚҰТТЫ БОЛСЫН
Қазақтың қаз дауысты Қазыбек биі:
«Жалтылдақ деп жастықты сөкпе, -
Бәріңнің шыққан тегің сол.
Қалтылдақ деп қарттықты сөкпе, -
Бәріңнің жетер шегің сол», - деп айтқанындай, абыз-қариясы бар ел тұтастай қазынасын қорығандай қадірлі қариясын құрметтесе құп іс.
Ибн Хиббан хадис кітабында:
البرَكةُ مع أكابِرِكم
«Берекет араларыңдағы үлкендермен бірге» деп жазса, біздің қазақ мақалы: «Қарты бар елдің қазынасы бар» деп қарияны үлкен байлыққа теңейді. Ахмед, Табарани хадис кітаптарында, Убада бин Сомит (р.а.) риуаяты:
ليس من أمتي من لم يجل كبيرنا ويرحم صغيرنا ويعرف لعالمنا حقه
«Үлкендерді құрмет етпейтін, жастарға мейірім танытпайтын, ғалымдарының қадірін білмейтін менің үмбетімнен емес» деп айтқаны бар.
Әр шаңырақта өнегелі ұрпақтың өрелі биігінің кепілі болған ақсақал-қарияларымызға, ақ жаулықты әжелерімізге амандық тілеймін.
Төлеби Оспан
Алматы қаласының бас имамы
Қызықты тақырыптар
Намаз уақыттары 
.png)
