Онлайн дәрістер жалғасады

06.07.2020 2 979 0

Елде төтенше жағдай жарияланғанына байланысты наурыз айында Қазақстан мұсылмандары діни басқармасы имам-ұстаздардың онлайн дәрістерін өткізуді қолға алған болатын. Екі апталық карантин жағдайына байланысты онлайн дәрістер бүгіннен бастап тағы жалғасады.

Бүгін кеште онлайн дәрістер жүргізуді «Пайғамбарлар тарихы» тақырыбы бойынша ҚМДБ Төрағасының орынбасары, наиб мүфти Ершат Оңғаров бастайды.

Одан ары «Ислам тарихы» тақырыбы бойынша ҚМДБ Діни білім және кадр дайындау бөлімінің меңгерушісі Смайыл Сейітбеков (сейсенбі), «Фиқһ дәрістер» тақырыбы бойынша ҚМДБ Шариғат және пәтуа бөлімі меңгерушісінің орынбасары Хасан Аманқұлов (сәрсенбі), «Хадистер» тақырыбы бойынша ҚМДБ Уағыз-насихат бөлімінің меңгерушісі Батыржан Мансұров (бейсенбі), «Ислам әдебі» тақырыбы бойынша ҚМДБ Ақпарат және қоғаммен байланыс бөлімінің меңгерушісі Марат Бектазинов (жұма), сұрақ-жауаптар форматында ҚМДБ Шариғат және пәтуа бөлімінің маманы Медет Құрсақов (сенбі) және «Отбасы ғылымхалы» тақырыбы бойынша ҚМДБ Шариғат және пәтуа бөлімінің маманы Бауыржан Абдуалиев жалғайды.

Онлайн дәрістер күн сайын Нұр-Сұлтан уақыты бойынша кешкі сағат 21.00-де ҚМДБ-ның Инстаграмдағы @Muftiyatkz парақшасы арқылы жүргізіледі.

Сондай-ақ, бүгіннен бастап әр аптаның дүйсенбі, сәрсенбі және жұма күндері тікелей эфирде ҚМДБ имамдары, ұстаздары және белгілі ғалымдарының журналист Еркін Шәкірұлымен «Рухани еркін әңгімесін» Нұр-Сұлтан уақытымен сағат 20:00-де тамашалай аласыздар.

Естеріңізде болса, парақшамыздағы онлайн сұхбат Рамазан айында тұрақты түрде күн сайын өткен болатын. Рухани әңгіме шертетін бағдарламаның бүгінгі қонағы – ҚМДБ Ғұламалар кеңесінің мүшесі, көпке белгілі исламтанушы Бауыржан Әлиұлы.

ҚМДБ баспасөз қызметі

ДЕРЕККӨЗІ muftyat.kz

ҚМДБ ресми сайты

Оқырмандардың пікірі (0)

Қызықты тақырыптар

Beket-ata.kz сайты іске қосылды (ФОТО)

ҚМДБ төрағасы, Бас мүфти Наурызбай қажы Тағанұлының өңірлердегі үгіт-насихат жұмыстарын күшейтуге байланысты тапсырмасына орай Маңғыстау облыстық орталық «Бекет ата» мешітінің beket-ata.kz ресми сайты іске қосылып, таныстырылымы өтті....

06.07.2020 5 108 0

5 шілдеден бастап мешіттер жұмысына шектеу қойылды

5 шілдеден бастап Үкіметтің қаулысы бойынша екі аптаға карантин шектеулері енгізілді.

06.07.2020 3 130 0

Алматы Орталық мешіті елдің амандығы үшін құрбан шалып, дұға тіледі

Бүгін ҚМДБ Төрағасы, Бас мүфти Наурызбай қажы Тағанұлы бастамасына орай, Алматы Орталық мешітінің ұжымы садақа ниетімен құрбан шалып, елдің амандығы мен жұрттың тыныштығы үшін Жаратқаннан дұға тіледі....

03.07.2020 3 526 0

«Мәйіт шыққан үйге көп адам келмесін»

Қазақстан мұсылмандары діни басқармасының төрағасы, Бас мүфти Наурызбай қажы Тағанұлы елордада Президент жанындағы Орталық коммуникациялар қызметінде тікелей эфирде өткен брифингтеАбай Құнанбайұлының Семейде жұқпалы індеттің тараған кезде, қандай қадам жасағанын мысалға келтірді....

03.07.2020 3 111 0

Пандемия кезінде жаназа және құдайы ас өткізуге қатысты мәлімдемені таныстырды

Елордада Президент жанындағы Орталық коммуникациялар қызметінде тікелей эфирде өткен брифингтеҚМДБ Төрағасының орынбасары, наиб мүфти Ершат Оңғаров еліміздің мұсылман қауымына Қазақстан мұсылмандары діни басқармасының COVID-19 коронавирусі кезінде жаназа және құдайы ас өткізуге қатысты мәлімдемесін ...

03.07.2020 2 931 0

Бас мүфти жиын-тойлар мен садақа астарға мүмкіндігінше бармауға шақырды (ФОТО)

Бүгін елордада Қазақстан мұсылмандары діни басқармасының төрағасы, Бас мүфти Наурызбай қажы Тағанұлы Қазақстан мұсылмандары діни басқармасының COVID-19 коронавирусі кезінде жаназа және құдайы ас өткізуге қатысты арнайы баспасөз мәслихатын өткізді....

03.07.2020 2 855 0