Х республикалық Құран жарысының Алматы қаласы бойынша іріктеу сайысы өтеді
ҚМДБ-ның Алматы қаласы өкілдігі ұйымдастыруымен 2021 жылдың 7 тамыз күні Алматы орталық мешітінде Құран Кәрімді жатқа және мәнерлеп оқу бойынша Х республикалық Құран жарысының Алматы қаласы бойынша іріктеу сайысы өтеді. https://youtu.be/qQlK4U2X9nI
Сайыс Құран Кәрімнің 30 парасын, 20 парасын, 10 парасын жатқа оқу және мәнерлеп оқу секілді 4 номинация бойынша ұйымдастырылады.
Құран жарысына қатысушыларға қойылатын талаптар:
- үміткер ҚР ер азаматы болуы тиіс;
- үміткердің 30 жастан аспаған болуы;
- жарысқа қатысушының жаттаған паралары толық болуы керек, яғни екі жерден жарты-жарты параны біріктіріп ұсынуға болмайды;
- үміткер жарысқа тек бір номинация бойынша ғана қатыса алады;
- үміткер өз номинациясы бойынша республикалық, халықаралық жарыстарда жүлделі орын алмаған болуы керек;
- Құранды жатқа айтуына, тәжуидімен көркем оқуына баса мән беріледі;
Сондай-ақ, іріктеу сайысына үміткерлер қазақы киім үлгісінде ғана қатыса алады.
Қажетті құжаттар: Үміткердің анкетасы, Жеке куәлік көшірмесі.
Жоғарыда аталған құжаттар үміткерден 2021 жылдың 3 тамызға дейін quranzharys_kz@mail.ru электронды почтасы арқылы қабылданады.
Жарыс жеңімпаздарына қаржылай сыйлықтар табысталып, арнайы сертификаттар беріледі. Сондай-ақ, әр номинация бойынша үздік жүлдегерлер Түркістан қаласында өтетін Х республикалық Құран жарысына жолдама алады.
Пайғамбарымыздың (оған Алланың игілігі мен сәлемі болсын) хадисінде "Сендердің ең жақсыларың – Құранды үйреніп әрі оны үйреткендерің» деп айтылғандай баршаңызды қайырлы іске атсалысып, Алланың разылығын алуға шақырамыз.
Байқаудың жүлделері:
1. Толық Құранды жатқа оқудан:
1-орын (300 000 тг)
2-орын (200 000 тг)
3-орын (150 000 тг)
2. Құранның 20 парасын жатқа оқу бойынша:
1-орын (150 000 тг)
2-орын (120 000 тг)
3-орын (100 000 тг)
3. Құранның 10 парасын жатқа оқу бойынша:
1-орын (100 000 тг)
2-орын (75 000 тг)
3-орын (50 000 тг)
4. Құранды мәнерлеп оқу бойынша:
1-орын (75 000 тг)
2-орын (50 000 тг)
3-орын (35 000 тг)
Қосымша ақпарат үшін: + 7 775 475 00 82 - Қуаныш қари (Байланыс: 10:00-18:00)
Алматы орталық мешітінің баспасөз қызметі
Қызықты тақырыптар
Намаз уақыттары 
.jpg)
.jpg)
.jpg)
.jpg)
