Алматы: «Ихсан» іліміне арналған семинар өтті (ФОТО)
Алматы қаласы өкілдігіне қарасты «Әйел-қыздар» секторының ұйымдастыруымен қала мешіттерінің әйел ұстаздарына арналған «Ихсан рухани тәрбие негізі» атты семинар өтті.
Бұл жиынға Алматы қаласының Бас имамы Төлеби Оспан, Алматы орталық мешітінің Бас ұстазы Талғат Сапанов және «Әйел-қыздар» секторының меңгерушісі Айнұр Игиликова арнайы қатысты.
Кіріспе сөзді Бас ұстаз Талғат Сапанов сөйлеп, сөз тізгінін Бас имам Төлеби Оспанға ұсынды.
Бас имам, ең алдымен, ҚМДБ Төрағасы, Бас мүфти Наурызбай қажы Тағанұлының ыстық сәлемін жеткізіп, семинардың маңыздылығына тоқталды. Дін мен дәстүріміздің асыл құндылықтарын тілге тиек етіп, «Ихсан рухани тәрбие негізі» кітабының мазмұнымен таныстырды. Сондай-ақ, әйел ұстаздар әлеуметтік желі парақшаларын жүргізу кезінде әдептілік нормаларын сақтау керектігін қаперге салды. «Әйел-қыздар» секторының әйел ұстаздарына алғыс білдіріп, қызметтеріне табыс тіледі.
Семинар барысында Қайрат мешітінің ұстазы Гүлмира Сүлейменова «Ұстаздық еткен жалықпас» атты тақырыпта баяндама оқыды. Сонымен қатар, «Әйел-қыздар» секторының меңгерушісі Айнұр Игиликова Құрбан айтта атқарылатын шаралардың жоспарымен таныстырды.
Жиын соңында Бас имам әйел ұстаздардың қойған сұрақтарына жауап берді.
Алматы орталық мешітінің баспасөз қызметі
Қызықты тақырыптар
Намаз уақыттары 
.jpg)
.jpg)
.jpg)
.jpg)
