Бауыржан Әлиұлы Тараз қаласында дәріс жүргізді

27.01.2020 4 939 0

Өткен аптада Жамбыл облысына арнайы ат артып келген ҚМДБ-ның Ғұламалар кеңесінің мүшесі, Нұр-Мүбарак университетінің докторанты, аға-оқытушы Бауыржан Алиұлы Тараз қаласының жамағатымен және медресе шәкірттерімен жүздесті.

«Һибатулла Тарази» медресесінің студенттеріне арнайы дәріс өткізген Б.Әлиұлы шәкірттерге білім алудың маңызы, ол білімді дұрыс жетілдіру, амал ету, алған құнды дүниелерді бойға сіңіру, пайғамбарымыздың (с.ғ.с.) өсиеті бойынша өзгелерге үйрету сынды қадау-қадау кеңестер, ұтымды ой, саналы сөз айтты.

Сонымен қатар Бауыржан Алиұлы имам мамандығымен қызмет атқаруды мақсат етіп жүрген жастарға оның қандай жауапкершілікке ие екенін жүзіктің көзінен өткендей анық, нақты түсіндіре отырып, халықпен бірге болу, көпшіліктің дәрежесіне, ой-түсінігіне, қабылдауына қарай уағызды жеткізу, халықпен қалай жұмыс жасау керек жайында сөз етті.

Жүздесу соңында шәкірттердің жаңбырша жауған белсенді сұрақтарына мәселенің түбін ойып алғандай дәлелді, мыласы келіскен тамаша жауаптар берілді.

Бұдан кейін көненің көзі болған Тараз шаһарында ғалым, ұстаз орталық «Һибатулла Тарази» мешітінде бесін намазынан кейін, ал қалалық «Кеңесхан қажы» мешітінде ақшам намазынан кейін еркін тақырыпта уағыз жүргізді.

Мешітке жиналған жамағат ғалымның үгітін ұйып тыңдап, дәйекті де дәлелді кеңестерін ойға түртіп алды. Рухани азық сыйлаған жүздесуде халықтың сұрауы бойынша көптеген мәселелер егжей-тегжейлі түсіндірілді.

asyldin.kz

Оқырмандардың пікірі (0)

Қызықты тақырыптар

Семейге тарихи орталық мәртебесі беріледі

Бүгін Үкіметтің кеңейтілген отырысында Мемлекет басшысы Қасым-Жомарт Тоқаев Семейге тарихи орталық мәрбесін берудің маңызы жайында айтты.

27.01.2020 3 822 0

Елорда мешіттері қайырымдылық челленджін бастады

Нұр-Сұлтан қаласындағы ауа-райының қолайсыздығына байланысты елорда мешіттері «Ізгі қала тұрғындары» атты қайырымдылық челленджін бастады.

24.01.2020 3 696 0

«Иман» журналы шығармашылық байқау жариялады

Қазақстан мұсылмандары діни басқармасына қарасты ай сайын шығатын діни-танымдық «Иман» журналы Қазақстан мұсылмандары діни басқармасының құрылғанына 30 жыл толуына байланысты «Қазақстан мүфтияты: өткені, бүгіні, ертеңі» атты шығармашылық байқау жариялайды....

23.01.2020 6 173 0

Абайдың 175 жылдығына арналған шаралар басталды

Мемлекет басшысы Қасым-Жомарт Тоқаев пен Қазақстанның Тұңғыш Президенті – Елбасы Нұрсұлтан Назарбаев қазақтың ұлы ойшылы, ғұлама ақын Абай Құнанбайұлының 175 жылдық мерейтойының басталуына арналған салтанатты шараға қатысты. Бұл туралы Ақорданың баспасөз қызметі хабарлады....

22.01.2020 3 800 0

«МҰНАРА» газеті байқау жариялайды

Халқымыздың біртуар перзенті, қазақ жазба әдебиетінің негізін қалаушы, ұлы ақын, ғұлама-ойшыл Абай Құнанбайұлының 175 жылдығына орай «Мұнара» газеті авторлар мен оқырмандар арасында «Абай сөзі – ұрпақ темірқазығы» атты шығармашылық байқау жариялайды....

21.01.2020 7 166 0