Елордада ІХ республикалық қарилар байқауы басталды (ФОТО)

21.10.2020 1 512 0

Елордадағы «Әзірет Сұлтан» мешітінде Қазақстан мұсылмандары діни басқармасының ұйымдастыруымен Құран Кәрімді жатқа және мәнерлеп оқудан ІХ республикалық байқау басталды.

72 үміткер қатысып жатқан байқаудың ашылу рәсіміне ҚМДБ төрағасы, Бас мүфти Наурызбай қажы Тағанұлы арнайы қатысып, сөз сөйледі. Қасиетті Құран Кәрім оқылып, Бас мүфти дұға жасады.

«Баршаңызға Алланың амандығы мен берекетін тілеймін. Раббымыз бүгінгі игі шарамыздың сәтті өтуін нәсіп етсін. Әмин!

Асыл дініміз Исламдағы ең абзал құлшылық – Құран оқу және оны жаттау. Әйгілі сахаба Осман ибн Аффанның (оған Алла разы болсын): «Жүректеріміз таза болғанда, Раббымыздың сөзіне тоймас еді. Шын мәнінде, мен бір күнімді де Құранға көз салмай өткізуді қаламаймын» деген сөзінде үлкен мән мен мағына жатыр.

Ал адамдардың ең абзалы – Құранды жатқа білетіндері. Хадис-шарифте ардақты Пайғамбарымыз Мұхаммед (оған Алланың салауаты мен сәлемі болсын) «Адамдардың ең жақсысы – Құранды жатқа білген, Алланың дінін жақсы түсінген, Алладан қатты қорыққан, адамдарды жақсылыққа шақырып, жамандықтан тыйған және туған-туыспен қарым-қатынасы өте көркем болған жан» деген.

Құрметті қарилар! Бүгінгі байқаудың мақсаты – жаттаған Құрандарыңызды естеріңізге қайта түсіру, халықаралық жарыстарға қазақстандық қариларды қатыстыру, облыстық, аудандық, қалалық мешітке бір қариды қызметке тағайындау, елімізде қарилар орталығының жұмысын жандандыру, өздеріңіздей Құран жаттаған жандардың санын арттыру.

Осы ретте әділқазы болып сайланған тәжірибелі Кәмілжан, Сәдуақас, Еркінбек, Ерсін, Жұманазар қариларымыздың жұмысына береке тілейміз. Мыңнан тұлпар, жүзден жүйрік қариды анықтайтын байқауды бастауға рұқсат. Игі шараны ашық деп жариялаймын. Баршаңызға Алла жар болсын!» деді Бас мүфти.

Айта кетейік, екі күнге созылатын қарилар байқауы Діни басқарманың 30 жылдығына орай ұйымдастырылды. Елдегі пандемияға байланысты байқаудың «Хикмет студиясының» YouTube-арнасынан, «Халық Арна» телеарнасы және Мүфтияттың Instagram-дағы ресми парақшасынан онлайн көрсетілімі өтіп жатыр.

ДЕРЕККӨЗІ muftyat.kz

ҚМДБ ресми сайты

Оқырмандардың пікірі (0)

Қызықты тақырыптар

Елордада 21-22 қазан күндері Құран Кәрім жарысы өтеді

Қазақстан мұсылмандары діни басқармасының 30 жылдығына орай елордада 21-22 қазан күндері ІХ республикалық «Құран Кәрімді жатқа және мәнерлеп оқу» қарилар байқауы өтеді....

20.10.2020 2 320 0

Бас мүфти азаншылар жарысының жеңімпаздарын марапаттады (ВИДЕО)

Қазақстан мұсылмандары діни басқармасының 30 жылдығына орай Ақтау қаласында ұйымдастырылған «Әдемі әуезді азаншы» республикалық ІV азаншылар жарысы қорытындыланды....

12.10.2020 1 842 0

Ерсін Әміре оқырман сауалдарына жауап берді

Бүгін ҚМДБ Ғұламалар кеңесінің мүшесі, Алматыдағы «Төле би» мешітінің бас имамы, елімізге белгілі исламтанушы-ғалым Ерсін Әміре «Call-орталықтағы сұрақ-жауап» айдарында қонақ болып, оқырман сұрақтарына жауап берді....

08.10.2020 2 106 0

IV республикалық азаншылар жарысы ақтауда өтеді (ФОТО, ВИДЕО)

ҚМДБ-ның 30 жылдығына орай өтетін «Әдемі әуезді азаншы-IV» республикалық азаншылар жарысына дайындық пысықталды.

08.10.2020 3 343 0

ҚМДБ Ғұламалар кеңесінің ХХVІ мәжілісі басталды (ФОТО)

Елордада Қазақстан мұсылмандары діни басқармасы Ғұламалар кеңесінің ХХVI мәжілісі басталды. Мәжіліске ҚМДБ Төрағасы, Бас мүфти Наурызбай қажы Тағанұлы, мүфтиятты әр жылдары басқарған Ержан қажы Малғажыұлы, Серікбай қажы Ораз және кеңес мүшелері қатысуда....

06.10.2020 1 856 0

Елбасы бабалар рухына тағзым етті (ФОТО)

Қазақстанның Тұңғыш Президенті Нұрсұлтан Назарбаев Түркістан облысына сапары барысында Қожа Ахмет Ясауи кесенесіне барды. Бұл жайлы Елбасының баспасөз хатшысы Айдос Үкібай Twitter-дегі парақшасында хабарлады....

02.10.2020 2 351 0