«ДҰҒА - МҰСЫЛМАННЫҢ ҚОРҒАНЫ» САЙЫСЫ ӨТТІ
ҚМДБ «Әйел-қыздар» секторы Алматы қаласы бойынша өкілдігі «Әл-Әзим» мешітінің ұйымдастыруымен «Дұға - мұсылманның қорғаны» атты шара өтті.
Іс-шарада мектеп оқушыларынан 1-4 сынып пен 5-9 сынып жас аралығындағы қыздар дұғаны жатқа айтудан жарысты. Тұңғыш рет ұйымдастырылып отырған дұға айтудан сайыс өте қызықты әрі тартысты өтті. Жарыс барысында 1-4 ші сынып аралығындағы топтан жүлделі орын алғандар Ахметжанова Сундус жүлделі 1-орын мен 50 000 теңге қаржылай сыйақы иеленсе, 2-орын Орманәлі Тәсним 30 000 теңге, 3-орынды Сұлтанмахмұдқызы Әсия 20 000 теңгені қанжығасына байлады. Ал 5-9 сынып аралығынан 1-орынды Ілиясқызы Ажар жеңіп алып 50 000 теңге қаржылай сыйақы алды. Жүлделі 2-орын Құрманғали Нұрдинаға, 3-орын Сұлтанмахмұдқызы Еңлікке бұйырды.
«Дұға - қорған. Қазір қоғамда көп балалар тіл-көзден,сиқырдан зардап шегуде .Сол себептен балаға кішкентайынан өзіне қорған болатын дұғаны жаттап бойына сіңіру өте маңызды», - деп атап өтті ұйымдастырушылар. Осындай сайыстың өтуіне ұйытқы болып, атсалысқан жандарға алғыс айтылды.
Алматы өкілдігінің баспасөз қызметі
Интересные материалы
Время намаза 
