Бас мүфтидің төрағалығымен онлайн мәжіліс өтті

17.07.2020 2 685 0

Бүгін Қазақстан мұсылмандары діни басқармасының төрағасы, Бас мүфти Наурызбай қажы Тағанұлының төрағалығымен онлайн мәжілісі өтті. Аталған жиынға наиб мүфти Ершат Оңғаров, аппарат басшысы Ғылымбек Жәдігерұлы және бөлім басшылары мен облыс имамдары қатысты.

Бас мүфти алдымен күн тәртібінде тұрған 3 мәселеге тоқталды. Оның біріншісі, осы жылы құрбандық шалуды ұйымдастыру. Елдегі індетке байланысты Бас мүфти Орталық аппарат жиынында құрбандық шалу кезінде халыққа қолайлы жағдай жасап, орталықтандырылған онлайн сайтты іске қосуды тапсырды. Аталған сайт бірінші кезекте қазіргі пандемия жағдайын ескере отырып, тапсырыстарды онлайн қабылдауға басымдық бермек.

«Мұсылмандардың ұлық мерекесі Құрбан айттың тиісті деңгейде өтуіне күш салуымыз керек. Дегенмен республика бойынша эпидемиологиялық жағдай тұрақталмағандықтан, биылғы Құрбан шалудың жоспары анықталмай отыр. Соған қарамастан баламалы бағыттарды іздеуге тиіспіз. Құрбан шалудың басқаша жолдарын қарастыруымыз керек. Мұқтаж жандарға көмектесу жолын іздейік. Барынша көп адам жинамай, тапсырыстарды онлайн қабылдау арқылы болса да аталған рәсімді орындау жағын нақтылап атқаруды тапсырамын» деді Бас мүфти Наурызбай қажы Тағанұлы.

Сонымен қатар Бас мүфти Наурызбай қажы Тағанұлы алдағы уақытта салынатын мешіттердің санын нақтылау барысына да тоқталды. Әзірге қажеттілікке сай Нұр-Сұлтан қаласында 3, Алматы қаласында 3, Шымкентте 2 мешіт салу жоспарда бар. Ал жалпы алғанда ҚМДБ Мешіт істері бөлімінің мәліметінше еліміздің өңірлерінде алдағы уақытта 205 құлшылық үйі салынуы тиіс.

Сондай-ақ Наурызбай қажы Тағанұлы ҚМДБ «Зекет» қорының ұйымдастыруымен жүзеге асып жатқан «Өмірге үміт сыйла» акциясының қазіргі тынысымен де танысты. Аймақтардағы өкілдіктермен біріге отырып жиналған қаражат бүгінгі таңда өндіруші зауыттың есепшотына аударылған. Осылайша аталған акция барысында алдағы дүйсенбі күні 80-нен аса оттегі тарататын желдеткіш құрал жеткізіледі деді шараға жауапты «Зекет» қорының директоры Талғат Омаров.

Айта кетейік, Діни басқарма қолға алған қайырымдылық шарасы әлі де жалғасып жатыр. Жиын соңында Діни басқарма төрағасы жауапты тұлғаларға нақты тапсырмалар жүктеді.

ДЕРЕККӨЗІ muftyat.kz

ҚМДБ ресми сайты

Оқырмандардың пікірі (0)

Қызықты тақырыптар

Бас мүфти Құран хатым дұғасын жасады (ФОТО)

Бүгін, 13 шілде – Жалпыұлттық аза тұту күніне орай еліміздің барлық мешіттерінде Қасиетті Құран оқылып, хатым дұғасы жасалды.

13.07.2020 3 361 0

ҚМДБ: 13 шілдеде еліміздің барлық өңірінде Құран хатым дұғасы жасалады

Мемлекет басшысы Қасым-Жомарт Тоқаев телевизиялық Үндеуінде 13 шілде – Ұлттық аза тұту күні болып белгіленгенін айтқан болатын. Осыған орай ҚМДБ Төрағасы, Бас мүфти Наурызбай қажы Тағанұлының бастамасымен еліміздегі республикалық, облыстық ірі-ірі мешіттерде және медреселерде, қарилар даярлау орталы...

10.07.2020 2 942 0

«Нұр-Мүбарак» университетіне оқуға қабылдау емтихандары басталды

Бүгін Нұр-Мүбарак Египет ислам мәдениеті университетіне жаңа оқу жылына қабылдау емтихандары басталды.

10.07.2020 3 165 0

13 шілде – ұлттық аза тұту күні болып белгіленді

Бүгін Мемлекет басшысы Қасым-Жомарт Тоқаев республикалық телеарналар арқылы тікелей эфирде барша қазақстандықтарға Үндеу жасады. Қазіргі таңда індеттің қайтадан ушығып бара жатқанын тілге тиек етіп, көптеген отбасылардың қара жамылып, қайғы жұтуына байланысты 13 шілде – Ұлттық аза тұту күні болып бе...

10.07.2020 3 657 0

Онлайн дәрістер жалғасады

Елде төтенше жағдай жарияланғанына байланысты наурыз айында Қазақстан мұсылмандары діни басқармасы имам-ұстаздардың онлайн дәрістерін өткізуді қолға алған болатын. Екі апталық карантин жағдайына байланысты онлайн дәрістер бүгіннен бастап тағы жалғасады....

06.07.2020 2 981 0

Beket-ata.kz сайты іске қосылды (ФОТО)

ҚМДБ төрағасы, Бас мүфти Наурызбай қажы Тағанұлының өңірлердегі үгіт-насихат жұмыстарын күшейтуге байланысты тапсырмасына орай Маңғыстау облыстық орталық «Бекет ата» мешітінің beket-ata.kz ресми сайты іске қосылып, таныстырылымы өтті....

06.07.2020 5 112 0