Бас мүфти қасиетті үш айдың басталуымен құттықтады

14.02.2021 1 475 0

Наурызбай қажы ТАҒАНҰЛЫ,

Қазақстан мұсылмандары діни
басқармасының төрағасы, Бас мүфти

Құрметті жамағат!

Баршаңызды қасиетті үш айдың басталуымен шын жүректен құттықтаймын! Отбасыларыңызға бақ пен береке, бірлік пен татулық тілеймін.

Ардақты Пайғамбарымыз Мұхаммед (оған Алланың салауаты мен сәлемі болсын) қасиетті Ережеп айы келген кезде: «Уа, Алла! Ережеп және шағбан айларында бізге береке бер, бізді Рамазан айына жеткізе гөр!» – деп дұға жасайтын.

Ережеп – исі мұсылман қауымы үшін ерекше ай. «Ражаб» сөзі ұлықтау, құрметтеу деген ұғымды білдіреді. Алла Тағала зұлқағда, зұлхижжа, мұхаррам, ражаб айларында соғысуға, қан төгуге тыйым салған.
Ережеп – дұға қабыл болатын ай. Пайғамбарымыз Мұхаммед (оған Алланың салауаты мен сәлемі болсын): «Бес түн бар, онда дұғалар кері қайтарылмайды. Олар – Ережеп айының алғашқы түні, Шағбан айының жартысындағы түн, жұма түні, Ораза және Құрбан айт түндері», – деп сүйінші хабар жеткізген.

Қадірлі қауым!

Қасиетті айдың құрметі үшін отбасындағы бірлік пен берекені арттыру ниетімен кешірім жолын ұстанып, ренжітіп алған кісілер болса олармен қайта татуласайық. Еліміз бен жеріміздің игілігі үшін дұға жасап, айналамыздағы қамкөңіл адамдарға қарайласып, Алланың разылығына жетелейтін құлшылықтар мен ізгі амалдарға көңіл бөлейік. Жаратқаннан еліміздегі барлық мешітте жұма намазы оқылуын тілейік. Хақ Тағала жер бетінен жұқпалы індетті жойып, қалыпты өмір тіршілігіне қайта оралуды жазғай. Әмин!

ДЕРЕККӨЗІ muftyat.kz

ҚМДБ ресми сайты

Оқырмандардың пікірі (0)

Қызықты тақырыптар

ҚМДБ әдеп кеңесінің алғашқы мәжілісі өтті (ФОТО)

Елордада Бас мүфти Наурызбай қажы Тағанұлының төрағалығымен Қазақстан мұсылмандары діни басқармасы жанынан құрылған Әдеп кеңесінің алғашқы мәжілісі өтті.

14.02.2021 1 463 0

Сансызбай Құрбанұлы Ихсан ілімі жайлы дәріс оқыды

ҚМДБ Шариғат және пәтуа бөлімінің меңгерушісі Сансызбай Құрбанұлы Шымкент орталық мешітінде «Ақида һәм Ихсан ілімі» атты аймақтық танымдық рухани семинарына қатысты....

14.02.2021 1 987 0

Смайыл Сейтбеков оқырман сұрақтарына жауап берді

Бүгін ҚМДБ діни ақпарат беру орталығында «Call-орталықтағы сұрақ-жауап» жобасының кезекті эфирі өтті.

14.02.2021 1 677 0

Наиб мүфти «Халал даму» жиынын өткізді

Бүгін ҚМДБ төрағасының орынбасары, наиб мүфти Ершат қажы Ағыбайұлының қатысуымен «Халал Даму» мамандарының кезекті онлайн жиыны өтті. Басқосуға «Халал Даму» директоры Айбек Асқарбекұлы, ұжым мамандары мен жергілікті өкілдер қатысты....

11.02.2021 1 124 0

Рәтбек қажы атындағы аудитория ашылды

Нұр-Мүбарак университетінде Қазақстан мұсылмандары діни басқармасының тұңғыш төрағасы Рәтбек қажы Нысанбайұлы атындағы аудитория ашылды.

11.02.2021 1 312 0

Рәтбек қажы Нысанбайұлы кітабының тұсаукесері өтті

ҚМДБ Төрағасы, Бас мүфти Наурызбай қажы Тағанұлының қатысуымен Алматыдағы Нұр-Мүбарак университетінде Діни басқарманың тұңғыш төрағасы Рәтбек қажы Нысанбайұлының «Пайғамбарлар тарихы» кітабының тұсаукесері өтті....

11.02.2021 2 080 0