БАС ИМАМ ЖИ БОЙЫНША ХАЛЫҚАРАЛЫҚ КОНФЕРЕНЦИЯҒА ҚАТЫСТЫ
Алматы қаласының бас имамы Төлеби Дәділұлы Шанхай ынтымақтастық ұйымы аясында өткен жасанды интеллект дамуына байланысты халықаралық конференцияға қатысып, баяндама оқыды.
Төлеби Дәділұлы Caspian University ғимаратында өткен конференцияда Бас мүфтиі Наурызбай қажы Тағанұлы хазреттің ыстық ықыласы мен сәлемін жеткізіп, «Діни кеңістіктегі жсанды интеллект: мүмкіндіктері мен қолдану әдептері тақырыбында баяндама оқыды. ҚМДБ-ның негізгі ұстанымы – халыққа дінді дұрыс, сенімді және қолжетімді түрде жеткізу екенін, сонымен қатар бұл міндетті іске асыруда заманауи цифрлық құралдар мен жасанды интеллект технологиялары кеңінен қолданылып жатқанын айтты. «Бүгінгі таңда діни басқарма бірқатар нақты цифрлық жобаларды табысты жүзеге асырып келеді. Атап айтқанда, Muftyat App мобильді қосымшасы арқылы азаматтар ресми діни ақпаратқа, пәтуаларға, дәрістерге, намаз уақыттары мен құбыла бағытына оңай қол жеткізе алады. Бұл – дінді күнделікті өмірмен ұштастырудың заманауи үлгісі. Қажылыққа дайындық мәселесінде Qajy Guide (қажы гайд) платформасы, жастар аудиториясын қамту мақсатында Islam Quiz (ислам квиз) ойын форматындағы қосымша діни білімді жеңіл әрі қызықты түрде меңгеруге мүмкіндік беруде. Ал Halal Guide (халал гайд) қосымшасы арқылы халық халал өнімдер мен қызметтердің сенімді тізіміне қол жеткізуде. Онлайн QURBAN жобасы арқылы азаматтар онлайн түрде құрбан шалуға тапсырыс бере алады. Ал E-quzhat.kz жүйесі дін қызметкерлері арасындағы құжат айналымын толықтай электронды форматқа көшіруге бағытталған. Жуырда мүфтият – Imam AI (имам аи) жобасын іске қоспақ. Бұл – пайдаланушылардың діни сұрақтарына жедел жауап беретін, сенімді дереккөздерге негізделген жасанды интеллект жүйесі», деп атап өтті бас имам. Сонымен қатар ислам діні ғылым мен технологияның дамуына, жаңалық ашуға тыйым салмайтынын, алайда бұл даму адамзат игілігіне, адамгершілікке негізделіп, шариғаттың аясында жүзеге асуы тиіс екенін тілге тиек етті.
Конфренцияға алыс-жақын шет елдерден оқытушы-профессорлар, ЖОО ұстазлары қатысып, ЖИ тақырыбында баяндамалар оқыды. Конференция мақсаты - әртүрлі салаларда ЖИ технологияларын енгізудің практикалық тәжірибелерімен алмасу, цифрлық инновациялық саласындағы халықаралық байланысты дамыту болды. Жиын соңында қатысушылар марапатталды.
Тақырып бойынша жаңалықтар
Қызықты тақырыптар
Намаз уақыттары 
.jpg)
