АТТЕСТАЦИЯҒА ДАЙЫНДЫҚ ПЫСЫҚТАЛДЫ
Алматы қаласы өкілдігінің жылдық жоспарына сәйкес, дін қызметкерлеріне арналған «Фиқһ, ақида, хадис және ислам тарихы» пәндері бойынша имамдардың білімін жетілдіруге бағытталған 2 күндік курс өтті.
Имамдардың білімін жетілдіру курсында Алматы қаласының бас имамы Төлеби Оспан алғы сөзінде Бас мүфти Наурызбай қажы Тағанұлының бастамасымен дін қызметкерлерін кезекті республикалық аттестаттау шарасы аясында қала бойынша имамдардың білімін жетілдіруге арналған 2 күндік курстың өткізілуін баяндады. Аттестацияға жалпы шолу, дін қызметкерлерінің күн сайын білімдерін жетілдіруінің маңыздылығына тоқталды.
Айта кетсек, 2 күнге созылған біліктілікті арттыру курсында «Нұр-Мүбарак» Египет ислам мәдениеті университетінің аға оқытушылары Ернар Есімқұлов «Ислам тарихы» тоқталса, Ризабек Батталұлы «Ақида» бойынша сұрақтарға жауап берді.
Сонымен қатар ҚМДБ-ның «Шариғат және пәтуа» бөлімінің маманы Елбек Тасболатұлы «Фиқһ» негіздеріне терең талдау жасады. Алғашқы күні қала бойынша наиб имамдар, ұстаздар мен азаншылар және молдалар курсқа қатысып дәріс тыңдаса, екінші күні бас имамдар мен әйел ұстаздар қатысты.
Алматы өкілдігі бойынша
баспасөз қызметі
Тақырып бойынша жаңалықтар
Қызықты тақырыптар
Намаз уақыттары 
