БАС ИМАМ ОРБИТА МЕШІТІНДЕ УАҒЫЗ АЙТТЫ
Алматы қаласының бас имамы Төлеби Оспан Бостандық ауданы Орбита мешітінде ақшам уағызын айтты.
Қасиетті Мәуліт айында жамағатқа Пайғамбарымыз Мұхаммедтің (оған Алланың салауаты мен сәлемі болсын) өнегелі өмірінен мұсылманға қажетті тағылымды тұстар баяндалды. Ардақты Елшінің (оған Алланың салауаты мен сәлемі болсын) көркем мінезі, адамдармен қарым-қатынасы, мейірімділігі мен адалдығы кеңінен сөз етілді.
Жамағат Пайғамбарымыздың (оған Алланың салауаты мен сәлемі болсын) көркем мінезінен үлгі алып, оны күнделікті өміріне өнеге етуге, айналасына мейірімділік пен ізгілікті жаюға шақырылды. Сондай-ақ отбасы құндылықтарын дәріптеп, қоғамдағы татулық пен берекені нығайту әрбір мұсылманның міндеті екені айтылды.
Уағыз барысында жамағатқа көрсетілген әрбір әдеп пен мәдениет – осы алып шаһарымыздың мәдениетін танытатын маңызды құндылық екені тілге тиек етілді. «Адамға деген құрмет пен ізеттілік таныту арқылы өз мәдениетімізді көрсетеміз» деген ой айтылып, қала тұрғындары арасында өзара сыйластық пен жақсы қарым-қатынасты қалыптастырудың маңызы атап өтілді.
Пайғамбарымыздың (оған Алланың салауаты мен сәлемі болсын) өнегелі ғұмырынан ғибрат ала отырып, баршамызды мейірімділікке, адалдыққа, жақсылық жасауға және ізгілік таратуға ұмтылу қажеттігі айтылды.
Қасиетті Мәуліт айында жамағатқа Мұхаммед Пайғамбарымыздың (оған Алланың салауаты мен сәлемі болсын) өнегелі өмірінен мұсылманға қажетті тағылымды тұстар баяндалды.
Тақырып бойынша жаңалықтар
Қызықты тақырыптар
Намаз уақыттары 
