«НҰР-МҮБАРАК» МЕШІТІНЕ ЖАҢА ИМАМ ТАҒАЙЫНДАЛДЫ
Бас имам Төлеби Оспан қасиетті жұма күні «Нұр-Мүбарак» мешітінде жамағатқа «Пайғамбарымыздың өнегелі өмірі» (оған Алланың салауаты мен сәлемі болсын) тақырыбына тоқталып, жұма намазын жүргізді. Сондай-ақ, аталмыш мешітке тағайындалған жаңа имамды көпшілікке таныстырды.
Бас мүфти Наурызбай қажы Тағанұлының бұйрығымен Бауыржан Қарашбайұлы Алматы қаласы, Бостандық ауданы «Нұр-Мүбарак» мешітінің имамы қызметіне тағайындалды. Шаһардың бас имамы Төлеби қажы Дәділұлы мешіт жамағатына бұйрықты хабарлап, бұған дейін бас имам қызметін атқарған Жалғас Жақсыбекұлына алғыс білдірді. Жалғас Орынбасаров ҚМДБ жолдамасымен Түркия еліндегі «Хасеки» академиясына оқуға түсуіне байланысты имамдық қызметтен босатылды.
Сонымен қатар «Нұр-Мүбарак» Египет ислам университетінің проректоры, PhD докторы Ершат Ағыбайұлы имамдардың алдағы дін қызметіне «Хаққа қызмет – халыққа қызмет» жолында сәттілік тіледі.
Көптілеуов Бауыржан Қарашбайұлы
1. 2010-2014 ж.ж «Нұр-Мүбарак» Египет Ислам мәдениеті университетінде «Исламтану» мамандығы бойынша білім алған;
2. 2016-2017 ж.ж Мысыр елінде Найл оқу орталығында араб тілін дамыту курсына қатысқан.
3. 2018 ж. Түркия Диянет істерінің жанындағы имамдардың білімін жетілдіру курсына қатысқан.
Дін саласындағы жұмыс тәжірибесі:
1. 2014-2016 ж.ж Алматы қаласы «Төле би» мешітінде азаншы;
2. 2015-2016 ж.ж Алматы қаласы, М.Мақатаев атындағы №140 гимназияда «Дінтану» пәні бойынша мұғалім;
3. 2018-2023 ж.ж Алматы қаласы «Төле би» мешітінде ұстаз;
4. 2022 жылдан бастап ҚМДБ-ға қарасты «Tawaf Travel» қажылық компаниясының гид қызметінде;
5. 2023 жылдан бастап ҚМДБ-ға қарасты «Зекет және қайырымдылық қорының» Алматы қаласы бойынша өкілі және Алматы Орталық мешітінде наиб имам қызметін атқарды.
Көптілеуов Бауыржан Қарашбайұлы ҚМДБ Төрағасы, Бас мүфти Наурызбай қажы Тағанұлының алғыс хаттарымен марапатталған.
Отбасы жағдайы: Үйленген, 3 баласы бар.
Тақырып бойынша жаңалықтар
Қызықты тақырыптар
Намаз уақыттары 
