АЛМАТЫДА ЖАҢА МЕШІТ ҚҰРЫЛЫСЫ БАСТАЛДЫ
Бас мүфти Наурызбай қажы Тағанұлының тапсырмасына сәйкес, Алматы қаласындағы мешіттердің қызмет сапасын арттыру күн тәртібіне қойылған болатын.
Осыған орай, 2021 жылдан бастап, қаладағы көне мешіттердің орнына жаңа мешіт салу жобасы қолға алынды. Жобаның мақсаты - заманауи мешіт ғимаратын салу арқылы қаланың сәулетіне көрік қосу және жамағатқа қолайлы жағдай жасау.
Жоба аясында Алматы қаласы, Наурызбай ауданы, Ақжар ықшам ауданында орналасқан Нұр мешітінің ескі ғимаратының орнына жаңадан салынатын мешіттің іргетасы қаланды.
Жаңа ғибадат үйі 700 кісіге арналған. Сондай-ақ, әйелдер залы, қызметкерлер бөлмесі, дәрісхана, асхана мен дәретханасы да қарастырылған.
Естеріңізге сала кетейік, бұған дейін 2022 жылы Алматы қаласы, Түркісб ауданындағы Әлмерек мешітінің ескі ғимаратының орнына жаңа ғимарат салынып, халықтың пайдалануына берілді.
Қазіргі таңда Медеу ауданындағы Нұрлы мешітінің жері 15 сотокқа кеңейтіліп, 1000 адамға арналған мешіт салынуда.
Қызықты тақырыптар
Намаз уақыттары 
.jpg)
