ҚҰРБАН АЙТ 2025: АЛМАТЫ ТҰРҒЫНДАРЫ АЙТ НАМАЗЫН ОҚЫДЫ
Алматы Орталық мешітінде шаһар тұрғындары Құрбан айт намазына жиналды.
Алматы қаласының бас имамы Төлеби Дәділұлы ҚМДБ Төрағасы бас мүфти Наурызбай қажы Тағанұлының мұсылман жұртшылығының ұлық мерекесі - Қасиетті Құрбан айтпен барша жамағатты құттықтау сәлемін жеткізді. «Құрбан айт – мәні терең, ғибраты мол мереке. Бұл күні тек қана мал сою деген көзқараспен қарауға болмайды. Бұл бай азаматтардың көпбалалы және жағдайы төмен отбасыларға бауырмалдық етіп, жәрдемдесуі. Қоғамда мейірімділік және адамгершілік рухын жаю мерекесі», - деп атап өтті бас имам.
Сонымен қатар қажылық сапарға аттанған қазақстандықтардың қажылықтары қабыл болып, елге дін аман оралуына дұға тілеп, айтқа жиналған жамағатпен бата жасады. Орталық мешітке жиналған Алматы жамағаты мешіт ауласына лық толды. Ерекше көтеріңкі көңіл-күймен Құрбан айт намазы оқылды. Жалпы қала мешіттерінде 120 000 нан астам қала тұрғындары айт намазына қатысты.
Қаланың бас имамы Төлеби Оспан өңірлік коммуникациялар қызметінде өткізген брифингінде Алматы қаласы бойынша құрбан айт күндеріне арналған іс-шаралар бағдарламасын жариялаған болатын. Аталмыш бағдарламаға сай Орталық мешіт пен қаланың барлық бірқатар аудандық мешіттерінде киіз үйлер тігіліп, ұлттық спорт түрлерінен ойындар ұйымдастырылып, ақсақалдарға арнайы дастархан жайылуда. Құрбан айттың көтеріңкі көңіл-күйі балаларға айттық тәтті сыйлар үлестіру және қайырымдылық шараларымен ұласпақ. Құрбан айт құтты болсын!
Алматы өкілдігі бойынша баспасөз қызметі
Қызықты тақырыптар
Намаз уақыттары 
.jpg)
.jpg)
.jpg)
.jpg)
