ҚҰРБАНДЫҚ ҚАЛАЙ ШАЛЫНАДЫ?
Айт күндері ұлы ғибадат құрбандық шалу рәсімінің орындалу тәртібіне тоқталып өтсек. Ең алдымен құрбандық малы сол жағымен құбылаға қаратып жатқызылады. Сосын бауыздайтын кісі ниет етіп, «Бисмилләәһи, Аллааһу әкбар» деп айтады. Малды иегінің астынан өңешін, кеңірдегін және күре тамырларын кесе отырып бауыздайды. Малдың жаны шықпастан басын кесіп алу және терісін алу – мәкруһ, жағымсыз амал. Малды бауыздап жатқанда «Бисмилләһ» сөзін әдейі айтпай қойса, ол малдың етін жеуге болмайды.
Сонымен қатар, жануардың көзінше пышақ қайрамау, пышақтың өткір болуы сияқты шариғаттың аталған талаптары малды қинамауға бағытталған.
Еті кімге таратылады, терісін пайдалануға бола ма?
Құранда «Хаж» сүресінің 28-аятында: «Құрбанның етінен өздерің жеңдер әрі міскіндер мен кедейлерге беріңдер», - делінген. Демек, құрбандық малының етінен өзі және өзгелер де тұтына алады. Дұрысы, бұл мәселеде пайғамбарымыздың өсиетін басшылыққа алып, құрбан етін үшке бөліп: біріншісін мұқтаж жандарға, екіншісін туған-туыс немесе көршілерге, соңғы бөлігін өз отбасына пайдаланғаны жөн. Сондай-ақ, «барлығын Алла жолында атадым» деп құрбан етін түгелдей тұрмысы төмен жандарға таратып беруге де болады.
Ескере кететін жайт, құрбан шалушы мал терісін өзі алуына немесе қасапшыға ақы ретінде беруіне болмайды. Терісі садақа ретінде берілуі тиіс.
Алматы қаласында мына мешіттерде құрбандық шалуға рұқсат етілген. Олар:
- Алатау ауданы бойынша:
- «Мырзахмет» мешіті. «Қарасу» ы/а, Солтүстік айналым к-сі, 15 үй.
- «Әскер ата» мешіті. Әйгерім-1 ы/а, Бенберин к-сі, 18/4.
- «Алғабас» мешіті. Алғабас ы,а; Ақбөпе к.,6.
- «Әл-Азим» мешіті. Трудовик ы/а, Азат көшесі, 20.
- Бостандық ауданы бойынша:
- «Бақыткелді» мешіті. Хан-Тәңірі ы/а, Дулати, 27/11.
- Медеу ауданы бойынша:
- «Омар ибн әл-Хаттаб» мешіті. Жуков к-сі, 136 а;
- «Аманқұл ата» мешіті. Т.Бигелдинов к-сі, 5.
- «Фатима» мешіті. Малая к-сі, 14.
- «Райымбек батыр» мешіті. Думан-1 ы/а, Хан Тәңірі к-сі, 15.
- «Арафат» мешіті. Ибрагимов к-сі; 5 а.
- Наурызбай ауданы бойынша:
- «Қалқаман-2» мешіті. Қалқаман-2 ы/а, Аспандияров к-сі, 84.
- Түрксіб ауданы бойынша:
- «Қайрат» мешіті. Қайрат ы/а, Сарымулдаев к-сі, 22.
Сонымен қатар қала тұрғындарына қолайлы болу үшін құрбандық етін қабылдау пункттері қаланың 56 мешітінде де қойылған. Арнайы мұздатқыштар орнатылып, тасымалдау көлік құралдарымен қамтамасыз етілмек. Қала тұрғындары өз үйіне жақын мешіттерге барып, құрбандық еттерін өткізе алады.
Алматы қаласы бойынша құрбан айт күндеріне арналған іс-шаралар бағдарламасы:
- «Құрбан айт – ұлық мереке» деген атаумен Алматы Орталық мешіті, «Нұр Мүбәрак», «Абдулла», «Ибраһим», «Бақыткелді», «Заря Востока» және «Қарасай батыр» мешіттерінің аулаларында киіз үйлер тігіліп, жамағатқа дәм ұсынылады.
- Айт мерекесіне орай, қала мешіттерінде ұлттық дәстүрімізге сай түрлі спорттық шаралар (қазақша күрес, қой көтеру, гир көтеру, қол күрес және т.б) ұйымдастырылып, жамағатқа айт намазынан кейін айттық бауырсақ үлестіріледі.
- Құрбан айт мерекесін сезіндіру мақсатында «Қарасай батыр», «Арафат», «Әскер ата», «Төле би», «Байкен», «Ферали Ферғанұлы», «Омар ибн әл-Хаттаб», «Орбита», «Ынтымақ», «Дархан», «Сұлтан Қорған», «Әл-Хамид», «Мұхаммед әл-Әмин» және «Қайрат» мешіттерінде «Балаларға айттық» шарасы ұйымдастырылады.
- «Жұмысшы мамандықтары» жылы аясында көше тазалықшыларына айттық сыйлықтар таратылады.
- «Берекеге толы – Құрбан айт» айдарымен мұқтаж отбасыларға құрбандық еттері таратылады.
- Қарттар үйі, жетімдер үйі, мүмкіндігі шектеулі балалар үйі сынды орындарға Құрбан айт себеттерін тарату жоспарлануда.
- Бірқатар қала мешіттерінде қолөнер, тағам өнімдері және киім-кешек жәрмеңкесі өтеді.
Алла Тағала баршамыздың шалған құрбандықтары-мызды және дұға-тілектерімізді қабыл еткей! Әумин!
Алматы Орталық мешітінің
найб имамы Бекзат Сыздықов
Қызықты тақырыптар
Намаз уақыттары 
.jpg)
.jpg)
.jpg)
.jpg)
