АЛМАТЫДАҒЫ ҮЛКЕН МЕШІТ ҚҰРБАН АЙТҚА АШЫЛАДЫ

Ардақты алматылықтар! Баршаңызды қасиетті Құрбан айт мерекесімен шын жүректен құттықтаймыз! Алла Тағала шалатын құрбандықтарымыз бен дұға-тілектерімізді қабыл еткей!
Қала тұрғындары мен мешіт жамағатына қолайлы жағдай жасау үшін және мешіт аулаларындағы қозғалысты реттеу мақсатында Алматы қаласы, Бауыржан Момышұлы көшесінің бойындағы үлкен мешіт қасиетті Құрбан мерекесіне бір күнге ашылады. Аталмыш мешітте 06 маусым күні таңғы сағат 06:00-де мерекелік айт намазы оқылады.
Алайда, мешіт құжаттарының дайын болмауына байланысты Құрбан айт намазынан кейін қайта уақытша жабылады. Құжаттары толықтай рәсімделіп, тіркеуден өткен соң ресми түрде ашылатын болады.
Баршаңызды қала мешіттерінде 06 маусым күні таңғы сағат 06:00-де мерекелік Құрбан айт намазын оқуға шақырамыз! Алла Тағала ниеттеріңізді қабыл еткей!
Алматы орталық мешітінің
баспасөз қызметі