Алматы: Рамазанға дайындық жұмыстары онлайн жиында пысықталды (ФОТО)
Бүгін қасиетті Рамазан айына дайындық жұмыстарын пысықтауға арналған онлайн жиын Алматы қаласында өтті. Қаланың бас имамы Еркінбек Шоқайдың төрағалығымен өткен жиынға Алматы Орталық мешітінің ұжымы мен аудан имамдары қатысты.
Жиынды жүргізіп отырған бас имам, ең алдымен, имамдарды қасиетті Рамазан айымен құттықтады. Содан жуырда ғана бас мүфти Наурызбай қажы Тағанұлы хазреттің төрағалығымен Рамазан айы қарсаңында өткен дәстүрлі Төралқа мәжілісінде қаралған мәселелер мен соңғы шыққан пәтуаларды ортаға салды. Сондай-ақ, Бас мүфтидің Рамазан айында атқарылатын іс-шараларды жоғары деңгейде жүзеге асыруға бағытталған үндеуін түсіндіріп, аудан имамдарына бірқатар тапсырмалар берді. Атап айтқанда, мешітке, көпшілік, қоғамдық орындарға, көшелерге «Ораза қабыл болсын!», «Рамазан айы құтты болсын!» деген атаумен бірегей құттықтау баннер мен плакаттар ілу, оразаға қатысты ҚМДБ ұстанымдары мен пәтуаларын кеңінен насихаттау, сұрақтарға жауап беру, Рамазан айында халыққа онлайн уағыз-насихат айту сынды мәселелер күн тәртібіне қойылды.
Жиын барысында аудан имамдары да өздерінің толғандырған сұрақтарын қойып, тұшымды жауаптар алды.
Қызықты тақырыптар
Намаз уақыттары 
.png)
