АЛМАТЫ: ҚАЙЫРЫМДЫЛЫҚ МЕКЕМЕ ШӘКІРТТЕРІ СЫНАҚТАН ӨТТІ
Алматы қаласы қайырымдылық мекемелеріндегі шәкірттердің оқуларын бір тәртіпке жүйелеу мақсатында жұмыстар жалғасын табуда.
Алматы Орталық мешітінің ұйымдастыруымен Орталық мешіттің бас ұстазы Сапанов Талғат қажы, мешіт ұстазы Ахметов Серік қари және «Бостандық» ауданының бас имамы Жұмабаев Данияр қари «Көк-Төбе» қайырымдылық мекемесінің тыныс тіршілігімен танысып қайтты. Әрбір шәкіртпен жеке сөйлесіп, жаттап жатқан Құран сүрелерін тексеріп деңгейлерін анықтады. «Көк-Төбе» қайырымдылық мекемесінде 70-ке жуық шәкіртті 6 ұстаз жаңа сабақпен қатар бірінші, екінші ізге санақ беру тәсілі арқылы Құран жаттатуда. Тексеруге барған ұстаздар шәкірттермен сұхбат барысында жүйелі әдістемелік Құран жаттау тәсіліне және алып жатқан тәрбиесіне разылықтарын білдірді. Өздерінің сын пікірлерін айтып, тәжірбиелерімен бөлісті. Алдағы күндерде ұстаздар құрамы басқа да қайырымдылық мекемелеріне барып, бір жүйеде сапалы түрде жұмыс атқаруларын дамытатын болады.
Алматы Орталық мешітінің баспасөз қызметі
Қызықты тақырыптар
Намаз уақыттары 
.jpg)
.jpg)
.jpg)
.jpg)
