АЛМАТЫ: ТЕГІН ОНЛАЙН ҚҰРАН КУРСЫ БАСТАЛДЫ
Құрметті Құран сүйер қауым! Осы жылдың 27 қаңтарынан бастап әйелдерге арналған онлайн Құран курсы басталды. Жобаны Алматы орталық мешіті мен "Қари" қайырымдылық қоры ұйымдастырды.
Алматы қаласының бас имамы Төлеби Дәділұлы Орталық мешітте онлайн құран курсы сабақтарын өткізетін ұстаздармен кездесті. Курсты жоғары деңгейде өткізуге демеушілік танытқан Ержан Есенгелдіұлына алғысын айтып, білікті де білімді ұстаздарға сәттілік тіледі.
27 қаңтар мен 2 ақпан аралығында 420 оқушы тіркелді. Оның 245 ересектер бастауыш тобында, 75 жалғастырушы топта, 50 кісі Құран жаттау мен ижаза алу тобына тіркелді. 6-12 жасқа дейінгі балалар тобында 50 бала білім алуды бастады. Қазақстанның түкпір-түкпірінен жиналған оқушылар сабақты @qari.umma инстаграм парақшасынан, телеграм, зум желілері арқылы өтіп жатыр. Сіз де қатысып көріңіз!
Ұстаздарымыз:
6-12 жасқа дейінгі балалар тобының ұстазы - Анар Қанатқызы. Дінтанушы, ұстаз. Бала тұлғасын дамыту бойынша консультант, ТРИЗ педагог.
Құран және ижаза алушылардың ұстазы - Арайлым Өмірбекқызы.
2007-2011 жылдары УИЯДК университетін тарих және дінтану факультетінің түлегі.
2011-2012 ж.ж Нұр-Мүбарак университетінің жанынан ашылған араб тілі курсын тәмамдаған.
2016-2017 ж.ж Шымкенттегі қарилар дайындау орталығының түлегі.
2018 ж Нұр Мүбарак университетінің, Әл Азхар университетінің докторы 10 кырағат иесі Шейх Абдул Мажид Саид Бин Мухаммадтан Құранды толық жатқа тапсырып ижаза алған.
2021 ж. ижаза алған.
Бастауыш және жалғастырушы топтың ұстазы - Ибраева Ғалия Әділханқызы. Шет Тілдер және Іскерлік Карьера университеті "Дінтану" факультеті.
Құран үйретуден 10 жыл тәжірибесі бар ұстаз.
2016-2018 жж - Ақмола облысы бойынша әйел-қыздар секторының меңгерушісі қызметін атқарды. Көкшетау қаласы "Науан Хазірет" орталық мешітінде қызмет етті.
2018-2021 жж - Алматы қаласы, " Бекет ата" мешітінің ұстазы.
2021 ж - Алматы қаласы, "Д.Қонаев" мешітінің ұстазы.
Алматы Орталық мештінің баспасөз қызметі
Қызықты тақырыптар
Намаз уақыттары 
.jpg)
.jpg)
.jpg)
.jpg)
