Алматы Орталық мешітінде Ораза айт намазы оқылды

13.05.2021 3 638 0

Бүгін Алматы қалалық Орталық мешітінде мерекелік Ораза айт намазы жамағатпен оқылды.

Ораза айт намазына Алматы қаласының бас имамы Еркінбек Шоқай қатысып, мешітке алыс-жақыннан жиналған жамағатқа уағыз айтты.

Бас имам өз сөзінде, ең алдымен, баршаны мұқым мұсылман үмбеті ардақ тұтып тойлайтын, ата дәстүрімізде маңызды орны бар, бірлік пен ынтымақтың, қуаныш пен шаттықтың, достық пен татулықтың белгісіне айналған берекелі Ораза айт мейрамымен құттықтады. Айт күндері орындалатын сауабы мол игі амалдарға тоқталып, жамағатты кешірімділікке, мейірімділікке, ізгілікке, бауырмалыдылыққа, туған-туыс, дос-жаран, көрші-қолаңмен арадағы қарым-қатынасты нығайтуға, жетім-жесірдің көңілін аулап, оларға әрдайым қарайласуға үндеді. Алла Тағала Рамазан айында ұстаған оразаларымыз бен дұға-тілектерімізді қабыл етіп, еліміздегі әрбір шаңыраққа бақ-береке, ынтымақ-бірлік, денімізге саулық, имани байлық тіледі. Сондай-ақ, қазіргі таңда әлем халықтары мен еліміздің басына төнген уақытша сынақтарға сабыр сақтауға шақырып, оның зиянынан пана тілеп Аллаға дұға етті.

Ал, Ораза айт құтпасын Алматы қалалық Орталық мешітінің наиб имамы Абишев Қауаныш оқыды.

Соңында мешіт жамағаты айттан айтқа басымыз аман, бауырымыз бүтін, төрт көзіміз түгел жете берейік деп тілек тіледі.

Алматы қалалық Орталық мешітінде Ораза айт намазы карантиндік талаптарға сай оқылды.

ДЕРЕККӨЗІ Azan.kz

Ислам ақпараттық-ағарту порталы

Оқырмандардың пікірі (0)

Қызықты тақырыптар

Бас имам қала тұрғындарын Ораза айтпен құттықтады

Дана халқымыз "отыз күн оразаның бір айты бар, әр қылған жақсылықтың бір қайты бар" дегендей, қасиетті Рамазан айында Алланың парыз еткен бұйрығын орындап, отыз күн ораза ұстаған жанға айт мерекесі – қуаныштың мейрамы, бірлік пен берекенің ұйтқысы, шүкіршіліктің белгісі, сондай-ақ жасаған жақсылығым...

13.05.2021 3 853 0

Ораза айт намазына қатысты ҚМДБ мәлімдемесі

Сіздерге еліміз бойынша мешіттердің аулаларында Ораза айт намазы оқылатындығын (Жергілікті бас санитарлық дәрігерлердің Қаулысы бойынша рұқсат етілген) қуанышпен жеткіземіз....

12.05.2021 2 252 0

16 1

Алматы Орталық мешітінде онлайн Қадір түні өтті

Кеше, Алматы қалалық орталық мешіті арнайы түзілген бағдарлама аясына Қадір түнін онлайн форматта атап өтті.

09.05.2021 2 250 0

Қадір түнін Алматы Орталық мешітінен онлайн тамашалаңыз!

Құрметті қала тұрғындары, қадірлі мұсылман бауырлар! Биылғы Рамазанның қасиетті Қадір түні мамыр айының 8-нан 9-на қараған түнге сәйкес келіп отыр. Осы ретте, Қазақстан мұсылмандары діни басқармасының Қадір түнін өткізу туралы үндеуіне орай, баршаңызды Қадір түнін өз үйлеріңізде өткізу қажеттігін қа...

08.05.2021 2 943 0

Қазақстан мұсылмандары діни басқармасының Қадір Түніне қатысты мәлімдемесі

Қадірлі жамағат! Өздеріңізге белгілі, еліміздегі және әлемдегі көптеген қоғамдық іс-шаралар мен жиындар онлайн режимде өтуде. Оның басты себебі пандемиялық жағдайды одан сайын күрделендірмеу екені белгілі. Өйткені, жұқпалы дертпен оқшаулану арқылы ғана күресудің маңызы күн сайын артуда. Әлемдік тәжі...

08.05.2021 2 874 0

Алматы: 200 ауызашар қоржыны үлестірілді

Алматы қаласы Жетісу ауданына қарасты «Вайнах» мешітінің ұйымдастыруымен 1 және 2 темір жол вокзалының қызметкерлері мен жолаушыларға 200 ауызашар қоржыны табысталды....

08.05.2021 1 426 0