Жаңалықтар

Жаңалықтар Azan.kz жаңалықтары Қазақстан мұсылмандары діни басқармасының Қадір Түніне қатысты мәлімдемесі

Қазақстан мұсылмандары діни басқармасының Қадір Түніне қатысты мәлімдемесі

08.05.2021 2 875 0

Қадірлі жамағат!

Өздеріңізге белгілі, еліміздегі және әлемдегі көптеген қоғамдық іс-шаралар мен жиындар онлайн режимде өтуде. Оның басты себебі пандемиялық жағдайды одан сайын күрделендірмеу екені белгілі. Өйткені, жұқпалы дертпен оқшаулану арқылы ғана күресудің маңызы күн сайын артуда. Әлемдік тәжірибеде коронавируспен күресудің оқшаулану тәсілі оң нәтижесін беріп жатқанын жақсы білеміз.

Қазақстан мұсылмандары діни басқармасы еліміздегі пандемиялық жағдайды ескеріп, қауіпті дерттің таралуын алдын алу үшін қасиетті Қадір түнінде мешітте орындалатын діни рәсімдер онлайн режімде өтетінін хабарлайды. Осы ретте Қадір кешін үйде өткізу қажеттігін қаперлеріңізге саламыз. Халықтың денсаулығы мен өмірі бәрінен қымбат құндылық болғандықтан, осындай уақытша шешімді дұрыс қабылдауларыңызды және тәртіпке бағынуларыңызды сұраймыз. Әр адам өзінің отбасы мен қоғам алдындағы азаматтық әрі адамгершілік жауапкершілігін терең сезініп, жұқпалы дерттің таралмауына үлес қосса, Алланың жәрдемімен бұл сынақты да еңсереміз. Алла Тағала «Бақара» сүресінің 195-аятында: «Өздеріңді өз қолдарыңмен қауіп-қатерге салмаңдар», – деп бұйырған. Бұл аят баршамызға өмірлік ғибрат болуы тиіс.

Құрметті қауым!

Қазақстан мұсылмандары діни басқармасы қасиетті Қадір түнінде отандық телеарналар мен «Халық арна», «Хикмет ТВ» және muftyat.kz сайтының әлеуметтік желідегі парақшаларында арнайы онлайн бағдарлама ұйымдастырады. «Қасиеті мол қадір түні» атты онлайн бағдарламада елімізге белгілі ғалымдардың уағыз-насихатын тыңдап, Құран хатым дұғасына қатыса аласыздар. Діни басқарма жанындағы ақпарат беру орталығынан (call center, 8 7172 33 30 30) тәулік бойы көкейдегі сауалыңызға жауап аласыз.

Алла Тағала сауабы мың айдан артық, түндердің төресі, қасиетті Қадір кешінде үйде жасаған дұға-тілектерімізді, құлшылық-ғибадаттарымызды қабыл етіп, мешіттерімізде бір сапта тұрып, намаз оқитын күнді жақын еткей. Жаратушы Жаббар Иемізден жер бетінен жұқпалы індетті жойып, қалыпты күнге оралып, қуанышты күндерге жеткізуін тілейміз. Еліміз аман, жұртымыз тыныш болғай. Әмин!

ДЕРЕККӨЗІ muftyat.kz

ҚМДБ ресми сайты

Оқырмандардың пікірі (0)

Қызықты тақырыптар

Алматы: 200 ауызашар қоржыны үлестірілді

Алматы қаласы Жетісу ауданына қарасты «Вайнах» мешітінің ұйымдастыруымен 1 және 2 темір жол вокзалының қызметкерлері мен жолаушыларға 200 ауызашар қоржыны табысталды....

08.05.2021 1 426 0

«Гүлжан Төлегенқызы» атындағы Құранды жатқа оқу бойынша қалалық байқау өтеді

Қазақстан мұсылмандары діни басқармасы Алматы қаласы өкілдігі және "Салиқалы ұрпақ" қоғамдық қорының ұйымдастыруымен, 2021 жылдың 22 мамыр күні «Гүлжан Төлегенқызы» атындағы Құранды жатқа оқу бойынша ұлдар мен қыздар арасындағы Алматы қалалық байқауы өтеді. ...

07.05.2021 4 644 0

Алматы: Бас мүфти қайырымдылық шарасына қатысты

Бүгін, ҚМДБ Төрағасы, Бас мүфти Наурызбай қажы Тағанұлының қатысуымен, Алматы Орталық мешітінде «Қайырымдылық жасасаң, қайырын өзің көресің» қайырымдылық марафоны өтті. Бұл қайырымдылық марафоны аясында мүмкіндігі шектеулі балалары бар 100 отбасыға азық-түлік себеттері табысталды....

06.05.2021 1 696 0

Алматыда "Абай Құнанбайұлы" мешіті ашылады

Бүгін Алладан сауап үміт еткен жомарт жандардың демеушілігімен Алматы қаласы Жетісу ауданында «Абай Құнанбайұлы» мешіті есігін айқара ашып, ел игілігіне пайдалануға берілді....

06.05.2021 2 142 0

Алматы: Бас мүфти «Берекелі Рамазан сыйы» қайырымдылық шарасына қатысты

Бүгін, ҚМДБ Төрағасы, Бас мүфти Наурызбай қажы Тағанұлының қатысуымен, Алматы Орталық мешітінде өткен «Беркелі Рамазан сыйы» атты қайырымдылық шарасы аясында қайтыс болған дін қызметкерлерінің отбасына және көше тазалықшыларына көмек көрсетіледі. ...

06.05.2021 1 971 0

Алматы: отбасы тақырыбында онлайн семинар өтті

ҚМДБ-ның Алматы қаласы өкілдігіне қарасты «Әйел-қыздар секторының ұйымдастырумен «Ерлі зайыптылардың міндеттері мен құқықтары» атты онлайн семинары өтті. Бұл онлайн басқосуға Алматы қаласының бас имамы Еркінбек Шоқай және қала мешіттерінің әйел ұстаздар қатысты. ...

03.05.2021 1 621 0