БОСТАНДЫҚ АУДАНЫ БОЙЫНША ДІНИ ҚЫЗМЕТТІ ЖЕТІЛДІРУГЕ АРНАЛҒАН ЖИЫН ӨТТІ
Алматы қаласының бас имамы Төлеби Оспан Бостандық ауданы бойынша діни қызметті жетілдіруге арналған жиналыс өткізді.
Бас мүфти бастамасына сәйкес, биылғы өкілдік жоспарына жұмысты үйлестіруге, жоспарды жүйелі орындауға және аудандағы мешіт имамдарының ұсыныс-пікірлерін тыңдау үшін қаладағы 8 ауданда жеке-жеке жиын өткізіліп келеді. Осы орайда бүгін Бостандық ауданы «Бәйкен» мешітінде арнайы жиын өтті. Оған аудандағы діни қызметкерлер мен ұстаздар, Алматы Орталық мешітінің найб имамдары қатысты.
«Бұл басқосудың мақсаты – ауданға қатысты сұрақтарды жеке қарастырып, атқарылатын іс-шаралардың жоспарын пысықтау, жұмыс барысында кездесетін қиындықтарды дер кезінде шешу, ауданға қарасты мешіт қызметкерлерімен кездесіп, олардың ұсыныс-пікірлерін тыңдау болып табылады», - деп атап өтті бас имам Төлеби Дәділұлы.
Жиында Төлеби Оспан «Ислам және отбасы құндылығы» жылы аясында Бостандық ауданы бойынша «Дін мен дәстүр», «Ихсан және Насихат», «Діни оқу-ағарту» және «Жат діни ағымдардан сақтандыру» бағыттары бойынша іс-шаралардың орындалу барысына тоқталды. Олардың орындалу тетіктерін тарқатып айтып берді.
Сонымен қатар бағыттарға жауапты Орталық мешіттің найб имамдары діни қызметті жетілдіруге қатысты ұсыныс-пікірлерін ортаға салды. Өз кезегінде ауданға қарасты имамдардың да ұсыныстары тыңдалды. Шаһардың бас имамы дін қызметкерлерін аталған іс-шараларды жүзеге асыруда белсенді болуға шақырды.
Сонымен қатар ҚМДБ «Зекет және қайырымдылық» қоры негізінде «Бәйкен» мешітінің ұйымдастыруымен қайырымдылық шарасы өтті. Ауданға қарасты дін қызметкерлері мен Орталық мешіт қызметкерлеріне азық-түлік жиынтығы үлестірілді.
Алматы өкілдігі бойынша баспасөз қызметі
Қызықты тақырыптар
Намаз уақыттары 
.jpg)
.jpg)
.jpg)
.jpg)
