Жаңалықтар

Жаңалықтар Azan.kz жаңалықтары Алматы: Бас имам Құрбан айтқа арналған онлайн брифингте сұхбат берді (ФОТО)

Алматы: Бас имам Құрбан айтқа арналған онлайн брифингте сұхбат берді (ФОТО)

27.07.2020 3 951 0

Бүгін Алматы қаласының бас имамы Еркінбек Шоқай Құрбан айт меркесі қарсаңында өткізілген брифингке қатысып, сұхбат берді. Бұл онлайн басқосуға Алматы қаласы бойынша Тауарлар мен қызметтердің сапасы мен қауіпсіздігін бақылау департаментінің басшысы, Алматы қаласының бас мемлекеттік санитар дәрігері Жандарбек Бекшин, Алматы қаласы әкімдігінің қызметкерлері және тілшілер қауымы қатысты.

Онлайн брифингте бас имам ҚМДБ-ның төрағасы, Бас мүфти Наурызбай қажы Тағанұлы хазреттің Нұр-Сұлтан қаласында өткен брифингте Құрбан айт жайлы жасаған мәлімдемесі мен Діни басқарманың еліміздегі карантиндік талаптарды ескере отырып, халқымыздың денсаулығын сақтау мақсатында Құрбан айт мейрамы қарсаңында «QURBAN-2020» атты онлайн қайырымдылық акциясына тоқталды. Оған арнайы QURBAN2020.KZ вебсайты іске қосылғанын айтып, онлайн құрбандық шалудың алгаритімімен таныстырды. Сонымен қатар бас имам Құрбан айттың бірінші күні (31 шілде) қала мешіттерінде айт намазы оқылмайтынын айтып, оның орнына әркім өз үйінде 2 ракат нәпіл намазын оқыса болатынын қаперге салды. Сондай-ақ, қала мешіттерінде құрбандық шалынбайтынын ескертті.

Бір айта кететін жайт, бас имам сайт арқылы құрбандық шалуға тапсырыс беру және мұқтаж жандардың ет алуға өтініш қалдыру жұмыстары ү.ж. 24-30 шілде аралығында жүргізілетінін атап өтті. Биылға пандемиялық жағдай мен карантиндік талаптарға байланысты, онлайн құрбандық шалуға тапсырыс бергендердің отбасылық үлестері берілмей, құрбандық еттері толығымен мұқтаждарға үйлеріне жеткізіліп, үлестірілетінін айтты.

Бас имам сөз барысында Алматы қаласы мешіттерінің карантин уақытында ұйымдастырған көптеген қайырымдылық жұмыстарына тоқталды. Былтырғы Құрбан айт мейрамында Алматы қаласы бойынша 31 тоннадан астам құрбандық шалынса, осы жылы да онлайн құрбандық шалу жобасы аясында көптеген мұқтаж жандарға құрбандық етінен үлестіру жұмыстары қолға алынғанын жеткізді.

Сонымен қатар, үстіміздегі қасиетті Зұлхижжа айы мен Құрбан айттың қадір-қасиетіне тоқталып, тілшілер тарапынан қойылған сұрақтарға жауап берді.

Сөз соңында бас имам алдағы Құрбан айт мейрамымен құттықтап, Алла Тағаладан жер бетінде тараған індеттен құтқарып, елімізге амандық, жұртымызға тыныштық берсін деп дұға тіледі.

Алматы Орталық мешітінің баспасөз қызметі

ДЕРЕККӨЗІ Azan.kz

Ислам ақпараттық-ағарту порталы

Оқырмандардың пікірі (0)

Қызықты тақырыптар

Алматы қаласы өкілдігі атынан құдық пайдалануға берілді (ФОТО)

Бүгін, Қазақстан мұсылмандары діни басқармасының 30 жылдық мерейтойына орай, Алматы қаласы өкілдігі атынан Алматы облысы, Іле ауданы “Ащыбұлақ” елді-мекеніне жаңа құдық пайдалануға берілді. ...

26.07.2020 3 633 0

ҚМДБ: 31 шілде – Құрбан айт мерекесі

Зұлхижжа айының алғашқы он күні қасиетті күндер болып есептелінеді. Сондықтан осы кезде ынтамен ғибадат ету, көбірек ізгі іс істеу қажет. Арапа күні ораза тұту – сүннет. Пайғамбарымыз (оған Алланың салауаты мен сәлемі болсын): «Арапа күні ораза ұстау арқылы Алладан өткен және келесі жылдың күнәсін к...

23.07.2020 5 065 0

Қазақстан мұсылмандары діни басқармасының еліміздегі індет кезінде құдайы астарды өткізуге қатысты үндеуі

Бүгінде COVID-19 коронавирус індетінен халықты аман сақтап қалу үшін еліміздің барлық аймақтарында карантин жарияланды. Көптеген жұмыс орындары қашықтықтан қызмет істеуге ауысты. Мұның барлығы адам баласының денсаулығын сақтау мақсатында іске асып отыр. Алайда жаназа намазы мен Құдайы астарды көпшіл...

21.07.2020 3 789 0

Пандемия кезінде жаназа намазына қатысудың үкімі

Пандемия деп – қауіпті індеттің әлемдік ауқымда таралуын айтады. Дәрігерлердің айтуынша, пандемия кезінде әр адам санитарлық гигиена талаптарын қатаң сақтауы тиіс, көпшілік жиналатын жерлерге, қоғамдық орындарға, базарларға барудан бас тартуы қажет....

21.07.2020 4 161 0

Алматы Орталық мешітінде 100 отбасыға әлеуметтік көмек көрсетілді (ФОТО)

ҚМДБ төрағасы, Бас мүфти Наурызбай қажы Тағанұлы хазреттің бастамасына орай, Алматы Орталық мешітінің ұйымдастыруымен «Жүрек жылуы» қайырымдылық акциясы аясында қаладағы аз қамтылған 100 отбасыға әлеуметтік (азық-түлік, құрбандық еті, т.б.) көмек көрсетілді....

20.07.2020 4 356 0

Алматы қалалық мешіттерінде телефон арқылы ақпарат беруге жауапты қызметкерлердің жұмыс кестесі бекітілді

Құрметті мұсылман бауырлар! Елімізде жарияланған карантин режиміне байланысты барлық мешіттер жамағат үшін уақытша жабылғаны белгілі. Осы орайда, діни рәсімдер мен діни сұрақтарға ақпарат алуды бұқара халыққа қолайлы жағадй жасау мақсатында Алматы қалалық орталық мешіті мен аудандық мешіттерінде ү.ж...

20.07.2020 5 080 0