Алматы: алғашқы ауызашар дастарханы жайылды (ФОТО)
Бүгін, мінеки, көптен күткен қасиетті Рамазан айымен қауышып, мұсылмандар оразаның бірінші күнін ұстап, ауыздарын бекітті. Осыған орай, Алматы қаласы Орталық мешітінде, ораза тұтушылар үшін арнайы 500 адамға арнап ауызашар дастарханы жайылды.
Иә, ораза тұтқандардың жағдайын жасап, ауыз аштырудың сауабы мол екені бәрімізге белгілі. Бұл жайында ардақты Пайғамбарымыз (с.ғ.с.): «Бір адам осы айда аузы берік бір адамға ауыз аштырса, күнәлары кешіріледі. Ораза ұстағанның сауабындай сауап алады», – дегенде сахабалардың кейбіреулері ораза ұстаған жанға ауыз аштыратындай жағдайлары жоқтығын айтады. Сонда оларға: «Бір құрмамен ауыз аштырғанға да, тек сумен ауыз аштырғанға да, аз ғана сүтпен ауыз аштырғанға да осы сауап беріледі», — дейді (Бәйхақи риуаяты).
Сондықтан да осы айда ауыз аштыру сынды игі істер мен жақсылықты қолдан келгенше көптеп жасауға тырысқан адам есепсіз сауаптарға кенелері хақ.
Ауызашарда Алматы Орталық мешітінің наиб имамы Көкірекбаев Ермек жамағатқа Рамазан айының қадір-қасиеті мен Оразаның пайдасы туралы уағыз айтты.
Естеріңізге сала кетсек, кешеден бастап қала мешіттері тарауық намазында Құранды бастан-аяқ хатым етуді бастап та кетті. Ал, Алматы Орталық мешітінде Құран хатымды ҚМДБ-ның өкіл имамы Еркінбек қари Керімбекұлы мен Серік қари Ахметовтар түсіруде.
Сонымен қатар, мешіттердегі тарауық намаздарының түнгі сағат 24.00-ге дейін жалғасып, кеш аяқталатын болғандықтан, келуші жамағаттың үйлеріне қайту мәселесі ескеріліп, Алматы қаласы әкімінің қолдауымен қала бойынша 4 бағытқа (Саин көшесі, Алматы-1 теміржол бекеті, Талғар трассасы және Достық даңғылы бағыттарында) жүретін бағытты автобустар кестесі ағымдағы жылдың 5 мамыры мен 4 маусым аралығында әр кеште сағат 24:00-ге дейін созылады.
Атап айтқанда, Алматы Орталық мешітінің маңайындағы тиісті аялдамалардан 2, 4, 11, 29, 71, 141 нөмірлі маршруттар тарауық намазынан кейін жүріп отыратын болады.
Оған қоса «Сұлтан Қорған» мешітінде тегін такси қызметі жолға қойылғанын ескертеміз.
azan.kz
Тақырып бойынша жаңалықтар
Қызықты тақырыптар
Намаз уақыттары 
.jpg)
.jpg)
.jpg)
.jpg)
