VIII Республикалық Құран жарысы қатысушыларының сайысы аяқталды (ФОТО)
Бүгін, үш күндік Құран байқауының екінші күні аяқталып, жарысқа қатысушы 69 қари Құран Кәрімнің 30 парасын, 20 парасын, 10 парасын және мәнерлеп оқу сынды төрт номинация бойынша толықтай сынақ тапсырып бітті.
Тартысты өткен бәсекеде еліміздің әртүрлі аймақтарынан келген қарилар өздерінің бар мүмкіндіктерін іске қосып, берілген тапсырмаларға мүдірмей жауап беруге тырысты.
Құрансүйер жамағат пен жанкүйерлеріміз де екі күн бойы қариларымыздың Құран оқуын тамашалап, Алланың кәламына деген сүйіспеншіліктерін көрсетіп отырды.
Сондай-ақ, байқауға қатысушы үміткерлердің Құран оқу қағидаларына мән беріп, берілген тапсырмаларға қалай жауап беруін бағалап отырған – Садуақас қари Сағындықұлы, Кәмілжан қари Юлдашұлы, Жұманазар қари Садырханов, Еркінбек қари Керімбекұлы және Ерсін қари Бекайдарұлы секілді төреші-қариларымызға алғыс білдіреміз.
Естеріңізге сала кетейік, екі күндік жарыстың нәтижесі мен жүлдегерлерді марапаттау рәсімі ертең, яғни 28 сәуір күні сағат 10:00-де Алатау дәстүрлі өнер тетрында өтетін арнайы мәдени шарада мәлімделетін болады.
Әрбір қариымызға Алла Тағаладан жеңіс тілейміз!
Жарыстың тікелей көрсетілімін Аzan.kz сайтының Youtube арнасынан көре аласыздар.
Жарыстың бірінші күні: https://www.youtube.com/watch?time_continue=2090&v=aFMbWzoH6Gc
Жарыстың екінші күні (1-бөлім): https://www.youtube.com/watch?v=1IdGZWOZwD8&t=8891s
Жарыстың екінші күні (2-бөлім): https://www.youtube.com/watch?v=nYuyX4WHT8Q
Марапаттау кешінің тікелей көрсетілімі 10:00-де басталады. Сілтемесі: https://www.youtube.com/channel/UC7IRI8eIzB9S8WirSZVZweg/live
Алматы Орталық мешітінің баспасөз қызметі
Қызықты тақырыптар
Намаз уақыттары 
.png)
