Орталық мешітте 6 қаридың қатысуымен Құран хатым дұғасы жасалды (ФОТО)
Кеше, Алматы қалалық Орталық мешітінде Құран хатым дұғасы елімізге танымал 6 қаридың қатысуымен өтті. Ал, хатым дұғасын ҚМДБ-ның Алматы қаласы бойынша өкіл имамы Еркінбек қари Керімбекұлы, ал арабша нұсқасын «Байкен» мешітінің бас имамы Жұмабаев Данияр қари жасады.
Естеріңізге сала кетсек, Алматы қалалық Орталық мешітінде Құран хатымды Рамазан бойы өкіл имам Еркінбек қари Керімбекұлы және Орталық мешіттің азаншысы Серік қари Ахметов түсіріп келді.
Кешегі Құран хатым дұғасы тарауық намазын 5 қаридың оқуымен ерекше сипатта өтті. Атап айтқанда, тарауық намазын Ерсін қари Әміре, 2019 жылғы республикалық Құран жарысының бас жүлдегері Сақи қари Сәтешов, халықаралық Құран жарыстарының жүлдегері Шоқан қари Уәлиев, Серік қари Ахметов және өкіл имам Еркінбек қари Керімбекұлы ретімен оқыды.
Сосын өкіл имам, хатым Құран дұғасында, ең алдымен, Алла Тағаладан ел-жұртымыздың тыныштығын, отбасымыздың амандығын, деніміздің саулығын, жасаған ізгі амалдарымыз бен құлшылықтарымыздың қабыл болуын тіледі. Алдағы ораза айтына, Рамазаннан Рамазанға аман-есен жетуге, сондай-ақ, Алла Тағаладан хатым Құранға қатысқандардың дұға-тілектерін қабыл етіп, үлкен сауаптардан жазсын деп дұға етті.
Тақырып бойынша жаңалықтар
Қызықты тақырыптар
Намаз уақыттары 
.png)
