ЖАРАПАЗАН МӘТІНІНЕ БАЙҚАУ ЖАРИЯЛАНАДЫ
Бас мүфти Наурызбай қажы Тағанұлының бастамасымен бірнеше жылдан бері қасиетті Рамазан айы қарсаңында облыс, қала орталықтарында жарапазан айту эстафетасын өткізу қолға алынды. Жер-жерлерді жарапазан айтылып, ораза айының келуі сүйіншіленуде.
Ұмыт болған дәстүріміз қайта жаңғырып жатыр. Ораза айы келгенде жарапазан айтушылар көбеюде.
Алайда, ел аузында жат болған санаулы ғана жарапазан мәтіні бар десек қателеспейміз. Дәстүрдің озығы бар демекші, бүгінде жарапазан жырын жаңа үлгіде жазу уақыт талабы болып отыр.
Осыған орай, Алматы Орталық мешіті – барша қалам ұстаған азаматтар арасында жарапазан жырының жаңа мәтінін жазу бойынша байқау жариялайды.
Байқау шарты: Көпшілікке арналған жарапазан жырын жазу. Мәтінде төмендегі тақырыптар қамтылуы тиіс.
- Рамазан айының келгенін сүйіншілеу;
- Ораза айының артықшылығын жеңіл түрде жеткізу;
- Дін мен дәстүрдің сабақтастығын көрсету;
- Жарапазан айту ата-бабадан мұра болған дәстүр екендігін айту.
Сонымен қатар жарапазан сөзі дәстүрлі әнге қосып орындауға ыңғайлы мәтінде болуы қажет.
Байқау жеңімпазын арнайы бекітілген комиссия құрамы анықтайды.
Ең үздік жарапазан мәтіні алдағы Рамазан айында орындалады.
Жүлде қоры:
І орын – 300 000 теңге.
ІІ орын – 200 000 теңге.
ІІІ орын – 100 000 теңге.
Байқау уақыты: Жарапазан мәтіні 2026 жылдың 05 ақпан күніне дейін jarapazan2026@mail.ru электронды поштасы арқылы қабылданады. Қосымша ақпарат үшін Баспасөз хатшысы Гүлзира Жидебайға (8747 554 35 58) хабарласуға болады.
Алматы Орталық мешітінің
Баспасөз қызметі
Тақырып бойынша жаңалықтар
Қызықты тақырыптар
Намаз уақыттары 
.jpg)
