V РЕСПУБЛИКАЛЫҚ АЗАНШЫЛАР ЖАРЫСЫНЫҢ ІРІКТЕУ КЕЗЕҢІ ӨТТІ
Алматы қаласында «Әдемі әуезді азаншы» V республикалық азаншылар сайысының іріктеу кезеңі өтті.
Қазақстан мұсылмандары діни басқармасының ұйымдастыруымен 2022 жылдың мамыр айында өтетін дүбірлі додаға Алматы қаласының атынан қатысатын үміткерді анықтау үшін іріктеу сайысы өтті. Іріктеу сайысы Алматы қаласы, Медеу ауданына қарасты «Әл-Хамид» мешітінде ұйымдастырылды. Сайыс шарты намазға шақырушы негізгі рәміз - азанды көркем, әсем, дұрыс айту болып табылды.
Сайысқа қатысушыға қойылған талаптар:
-ҚР азаматы болуы;
- азаншының дауысы әдемі де тартымды болуы;
- араб әріптерінің махраждарын жақсы білуі;
- өзіндік бір мақаммен орындауы (бұл да бағаланады);
- жарыс кезінде азанға қатысты қосымша сұрақтарға жауап беруі;
- жарысқа кәсіби азаншылар (мешіт қызметкерлері) ғана қатыса алады;
- республикалық азаншылар жарысының жеңімпаздары қатыса алмайды.
Жарыстан оза шыққан жүлдегерлер тізімі:
Жүлделі 1 орын - (100 000 тг.) Алматы Орталық мешітінің наиб имамы Қасым Ашимовқа бұйырды. 2 орынды - (75 000 тг.) «Фирали Ферғанаұлы» мешітінің ұстазы Сайед Саражуддин Ғаффар алса, 3 орынды - (50 000 тг.) «Заря Восток» мешітінің қызметкері Малиев Марат қанжығасына байлады.
Сондай-ақ екі қатысушы «Омар ибн Хаттаб» мешітінің наиб имамы Назаров Наурыз бен «Таугул-3» мешітінің наиб имамы Ранов Аянбек ынталандыру сыйлығын қанағат тұтты.
Ендігі кезекте Республикалық додаға жолдама алған қатысушыға сәттілік тілейміз!
Алматы Орталық мешітінің баспасөз қызметі
Қызықты тақырыптар
Намаз уақыттары 
.png)
