«УАҚЫП - САУАБЫ ТАУСЫЛМАЙТЫН САДАҚА» ТАҚЫРЫБЫНДА СЕМИНАР ӨТТІ
Алматы қаласы, Әуезов ауданы «Таугүл-3» мешітінде «Уақып – сауабы таусылмайтын садақа» тақырыбында жамағатқа семинар өтті.
Семинар спикері аталған мешіттің бас имамы Ернар Мәжен адамның өмір сүру дағдысы мен діни таным-түсініктері күн сайын өзгеруде екенін жеткізді. Алайда «әр нәрсе өз асылына, негізіне оралады» деген тұжырымды сөздің өміршеңдігін айтты. Соның бір дәлелі ретінде ардақты Пайғамбарымыз Мұхаммедтің (оған Алланың салауаты мен сәлемі болсын) заманынан бастау алып, ата-бабаларымыздан осы күнге дейін жалғасып келе жатқан жақсы істің бірі, үзілмейтін садақаның түрі – уақыптың қайта жаңғыруы екеніне тоқталды.
«Сөздікте уақып «ұстау» деген мағынаны білдіреді. Ал шариғаттағы мәні – белгілі бір мүлікті (жарамсыз болып қалғанға дейін) үздіксіз қайырымдылық жолында пайдалану. Мысалы, үзілмейтін садақа жасауды ниет еткен адам жылжымайтын мүлікті Алла жолында уақып етсе, оның игілігін мұқтаж жандар ұдайы көрмек», - деп атап өтті спикер.
Түйін сөзді қазақтың: «Өзін ғана ойлаған, Жамандықтың белгісі. Өзгені де ойлаған, Адамдықтың белгісі», - деген ұлағатты сөзімен аяқтады.
Алматы өкілдігінің баспасөз қызметі
Тақырып бойынша жаңалықтар
Қызықты тақырыптар
Намаз уақыттары 
.jpg)
.jpg)
.jpg)
.jpg)
