Түркістан руханиятын серпілтетін 4 бағыт

21.01.2020 4 702 0

Облыс әкімі Өмірзақ Шөкеев облыстық мәслихаттың сессиясында Түркістанның 4 идеологиялық бағытын жұртшылыққа жариялады.

Олар: Түркістанды түркі әлемінің ең ірі зиярат және туризм орталығына айналдыру; Түркістанды әлемдік деңгейдегі қолөнер және шеберлер орталығына айналдыру; Түркістан – Ұлы Жібек жолының бойындағы ірі сауда орталығы; Қожа Ахмет Ясауи – рухани тұлға.

Бұл идеологиялық ұстанымның бірінші басымдығына сәйкес, осы қалаға келген әрбір адам күллі Қазақ мемлекетінің басынан өткен тарихи оқиғалардан мағлұмат алатындай болуы тиіс.

Екінші, идеологиялық бағыт бойынша бүгінде Түркістанда қолөнер орталығының құрылысы жоспарға енгізілді. Алдағы уақытта қазақ халқының ұмыт қалған қолөнері мен зергерлік өнері, ұлттық құндылықтары мен кәсіп түрлері қайта жанданып, ірі кәсіпорындар ашылады.

Үшінші, идеологиялық бағыт бойынша Түркістан өркениет, сауда және өндіріс орталығы ретінде дамиды. Түркістан тоғыз жолдың торабында орналасқан ірі сауда орталығы болған шаһарды ірі сауда, өнер, туризм орталығына айналдырудың кешенді тетіктері дайындалады.

Төртіншіден, «Қожа Ахмет Ясауи – рухани тұлға» бағыты бойынша да Түркістанда республикалық және халықаралық деңгейдегі іс-шаралар қолға алынбақ. Елбасы тапсырмасы бойынша жаңа Түркістанда Ясауи музейі салынбақ. Бұл мұражайда ғұлама мен оның шет мемлекеттердегі шәкірттерінің еңбектері қойылады. Ясауи феноменін жоғарылату, атын асқақтату арқылы ғылымды ғана емес, туризмді де дамытуға мүмкіндік бар.

Тарихи Жарлық шыққан 2 жылға жуық уақыт ішінде Түркістан дамудың жаңа сатысына қадам басты. Ежелгі Тұран өркениетінің мұрагері, Еуразияның ең таңдаулы шаһарларының бірі енді әлемдік өркениет орталығы ретінде қайта жаңғыруға бет алды. Қадамы сәтті болғай! Жаса, Түркістан!

"Егемен Қазақстан"

Оқырмандардың пікірі (0)

Қызықты тақырыптар

Діни мақалалар байқауы жарияланды

ҚМДБ-ның Семей қалалық «Қос мұнаралы» орталық мешіті Абай Құнанбайұлының 175 жылдық мерейтойына орай 2020 жылдың 20 қаңтары мен 1 мамыры аралығында Абай шығармаларын теологиялық сараптамалық талдау бағытындағы мақалаларға республикалық байқау жариялайды....

18.01.2020 4 590 0

ҚМДБ-30: Иордания елшісі 30 жылдық мерейтоймен құттықтады

Иордан Хашимит Корольдігінің Қазақстандағы Төтенше және Өкілетті Елшісі Юсуф Абдельғани Бас мүфти Серікбай қажы Оразға құттықтау хатын жолдады.

17.01.2020 4 345 0

Асылбек ОРЫНБАСАРОВ: Хұснихат – қанымызда бар өнер

Иә, бұрын Қазақстанда мұндай көрмелер өтпейтін. Қазақстандағы xұсниxат өнерінің дамуына Түркия, Иран, Мысыр секілді елдердің елшіліктері мен оқу-мәдени орталықтары септігін тигізді. Олар біздің университеттер мен мұражайларда, өздерінің xұсниxат шеберлерінің көрмелері мен шеберлік сыныптарын өткізуд...

16.01.2020 5 221 0

Нұр-Мүбарак университетінде үш күндік курс басталды

Бүгін Нұр-Мүбарак Египет ислам мәдениеті университетінде педагогика ғылымдарының кандидаты, қауымдастырылған профессор Текесбаева Анар Молдақынованың жетекшілігімен «Практикалық сабақтарды ұйымдастырудың тиімді жолдары» тақырыбында 3 күндік курс басталды....

15.01.2020 4 910 0

ҚМДБ-30: БҰРЫНҒЫ БАС МҮФТИЛЕРГЕ ҚҰРМЕТ КӨРСЕТІЛДІ (ФОТО)

Қазақстан мұсылмандары діни басқармасының төрағасы Серікбай қажы Ораз Алматы қаласында бұрынғы Бас мүфтилер - Рәтбек қажы Нысанбайұлы, Әбсаттар қажы Дербісәлі, Ержан қажы Малғажыұлымен кездесіп, мүфтияттың 30 жылдық мерейтойына орай дін қайраткерлерінің иығына шапан жапты....

13.01.2020 5 373 0

Жастарға арналған «Зейін» оқырмандар клубы ашылды

11 қаңтар күні Нұр-Сұлтан қаласы Қазақстан мұсылмандары діни басқармасының кітапханасында «Жастар ісі секторы» және «Әзірет Сұлтан» мешітіне қарасты «Ruhani jastar» жастар ұйымының бастауымен «Зейін» оқырмандар клубының алғашқы отырысы өтті....

13.01.2020 4 497 0