Тарихтан тағлым: шәкірттер Жамбыл мұражайында
Алматы қаласы, Наурызбай аудандық «Абу Бакр» мешіті имамдарының ұйымдастыруымен жазғы оқу курсындағы бүлдіршіндерді Алматы облысы, Жамбыл ауданы, Жамбыл ауылында орналасқан тарихи және мәдени Жамбыл мұражайына саяхаттатып, біртуар бабамыздың жәдігерлерімен таныстырды.
ҚМДБ «Дін мен дәстүр және рухани жаңғыру» аясында көптеген іс-шаралар атқарып, осы бағытта белсенді жұмыс істеуді мешіт имамдарына да тапсыруда. Осы тұста, Абу Бакр мешітінің имамдары шәкірттерді халқымыздың рухани қазыналарымен таныстырып, болашағымыздың қазығы болған жастардың саналарын рухани жаңғырту мақсатында Жамбыл Жабаев бабамыздың мұражайына апарып тарихқа деген сүйіспеншіліктерін оятты.
Мешіт имамдары шәкірттерге мұражайға келген мақсаттарын айтып: «Біз – өзіндік ділі, тамыры терең құндылықтары, сүйенер, қуат алар бай рухани мұрасы бар халықпыз. Бабаларымыздың қастер тұтып, атадан балаға аманаттап, жүрекке дарытып келген асыл қасиеттері көп. Солардың бірі Жамбыл бабамыздан қалған естеліктер. Бұл естеліктерді көңіл көздерімізбен көруіміз керек», - деп шәкірттердің қызығушылықтарын оятты.
Мұражай көрмесінен кейін Жамбыл атамыздың кесенесіне барып шәкірттермен бірге Құран оқып, бабамыздың рухына дұға жасалды.
Алла Тағала қасиетті Құран Кәрімнің «Хужурат» сүресі, 13-аятында: «Ей, адамдар! Негізінде, Біз сендерді бір ер және бір әйелден жараттық, әрі сендерді бір-бірлеріңді танып, білулерің үшін халықтар мен рулар етіп жасадық», - деген. Осылайша аса Ұлы Алла адам баласының шығу тегі, түбі бір екендігін баян етті. Бүкіл адамзат Адам ата (оған Алланың сәлемі болсын) және Хауа анадан тарайды. Алла олардан көп адамдар таратып, оларды бір-бірлерін тануы үшін үлкен халықтар, сондай-ақ кішігірім ру-тайпалар түрінде бүкіл жер бетіне жайды. Сондықтан әрбір адам өзінің шыққан тегін, елін білуі қажет.
Айдос Бердібеков
«Әбу Бәкір» мешітінің наиб имамы
«Әбу Бәкір» мешітінің наиб имамы
Интересные материалы
Алматы қаласының Бас имамы Еркінбек қари Керімбекұлы Бостандық ауданындағы «Бәйкен» мешітіне арнайы ат басын бұрып, жамағатпен жүздесті. Мешіттің ішкі-сыртқы жұмыстарымен танысып, мешіттің жұмыстарына оң баға берді....
«Ел боламын десең, бесігіңді түзе», - деген халқымыздың даналыққа толы сөзі салихалы қоғамның бастауы өскелең ұрпақтың бүгінгі тәрбиесімен байланысты екенін баяндап тұр....
Алматы қаласы Наурызбай ауданы бойынша жастар ісі бөлімінің ұйымдастыруымен аудан мешіттерінде жаздық оқу курсында тәлім алып жатқан шәкірттер арасында теңбіл доптан мешіт аралық сайысы болып өтті....
Балаға тал бесіктен тәрбие беруді құп көретін қазақ халқы жас ұрпақтың ілім алуына аса мән берген. Оған Орталық мешітімізде өткізіліп жатқан дәріске келуші шәкірт саны дәлел бола алады. Қыз балалар саны 30 болса, болашақ ел тізгінін ұстар ер балалардың саны 40-қа жетіп отыр. Мешітіміз тек қазақ тіл...
Бүгін Алматы қаласы әкімдігі және ҚР БҒМ ҒК Философия, саясаттану және дінтану институты бірлесе отырып «Дін саласындағы мемлекеттік саясат және қоғамдық сананы жаңғыртудың өзекті бағыттарының бірі ретінде «Діни қызмет пен діни бірлестіктер мәселелір бойынша ҚР кейбір заң актілеріне өзгерістер мен т...
Қазақстан мұсылмандары діни басқармасының төрағасы Серікбай қажы Ораз Шымкент қаласында өткен «Бауырлас елдердің рухани ортақ құндылықтары» атты халықаралық форумда Түркістан облысының имам-молдаларына дәріс берді....
Время намаза 
