Орталық мешіттегі жазғы сауат ашу курсы аяқталды
«Ел боламын десең, бесігіңді түзе», - деген халқымыздың даналыққа толы сөзі салихалы қоғамның бастауы өскелең ұрпақтың бүгінгі тәрбиесімен байланысты екенін баяндап тұр. Міне, бұл шариғатымыздың да талабы болмақ. Оған Орталық мешітімізде бір ай бойы өткізілген дәрістерге келуші шәкірт саны дәлел. Биылғы жазғы сауат ашу курсының қазақ және орыс топтарында 86 шәкірт діни біліммен сусындады.
Алматы қаласы Орталық мешітінің ұстаздары жас жеткіншектердің болашақтарына бағдар беріп, ақиқат дініміздің тәлімі терең ілімін баян етіп, ғылымға деген ынтасын оятуға себепші болды.
Сауат ашу курсының соңғы қорытынды марапаттау рәсіміне Алматы қаласы Орталық мешітінің бас имамы Еркінбек қари Керімбекұлы қатысып, шәкірттерге ілім үйренудің артықшылығы, қасиетті Құран Кәрімді оқып оны үйретудің дүние және ақыреттегі дәрежелері, ата-анаға жақсылық жасау туралы насихат айтып, жасөспірімдерді жігерлендірді.
Бір ай бойында сауат ашу курсында үздік оқып, ерекше ынтасын көрсеткен шәкірттерге арнайы сертификаттармен қатар, самокат, тенис таяқтары, нысана қорабы, шахмат, ойыншықтар топтамасы секілді бағалы сыйлықтарды табыс етілді. Ал, жалпы барлық қатысушы ер және қыз балаларға сертификаттармен бірге теңбіл доп пен жұмсақ ойыншықтар тарту етіліп, тәттілермен бірге үй тапсырмалары да қоса берілді.
Алла Тағала бүлдіршіндеріміздің ілімдерін арттырып, ел мен діннің дамуына үлес қосатын азаматтардан етсін!
Алматы қаласы Орталық мешітінің
баспасөз қызметі
Қызықты тақырыптар
Алматы қаласы Наурызбай ауданы бойынша жастар ісі бөлімінің ұйымдастыруымен аудан мешіттерінде жаздық оқу курсында тәлім алып жатқан шәкірттер арасында теңбіл доптан мешіт аралық сайысы болып өтті....
Балаға тал бесіктен тәрбие беруді құп көретін қазақ халқы жас ұрпақтың ілім алуына аса мән берген. Оған Орталық мешітімізде өткізіліп жатқан дәріске келуші шәкірт саны дәлел бола алады. Қыз балалар саны 30 болса, болашақ ел тізгінін ұстар ер балалардың саны 40-қа жетіп отыр. Мешітіміз тек қазақ тіл...
Бүгін Алматы қаласы әкімдігі және ҚР БҒМ ҒК Философия, саясаттану және дінтану институты бірлесе отырып «Дін саласындағы мемлекеттік саясат және қоғамдық сананы жаңғыртудың өзекті бағыттарының бірі ретінде «Діни қызмет пен діни бірлестіктер мәселелір бойынша ҚР кейбір заң актілеріне өзгерістер мен т...
Қазақстан мұсылмандары діни басқармасының төрағасы Серікбай қажы Ораз Шымкент қаласында өткен «Бауырлас елдердің рухани ортақ құндылықтары» атты халықаралық форумда Түркістан облысының имам-молдаларына дәріс берді....
Күллі момын-мұсылманды шат-шадыман қуанышқа бөлеп, әр шаңыраққа Алланың берекесі мен сәлемінің ұшқынын ала келетін Ораза Айт мерекесі Алматы қаласы Орталық мешітінде жоғары деңгейде өткізілді....
Қазақстан мұсылмандары діни басқармасының төрағасы, Бас мүфти Серікбай қажы Ораз хазреттің бастамасымен әлеуметтік жағдайы төмен 500 отбасыға халықтың берген пітір садақасынан жәрдем берілді....
Намаз уақыттары 
.jpg)
.jpg)
.jpg)
.jpg)
