Т.Алиевке қатысты мәлімдеме
Алматы Орталық мешітінің найб имамы Тимур Алиевтің әлеуметтік желіде жеке парақшасындағы жазбаға қатысты Алматы Орталық мешітінің басшылығы тарапынан оған түсіндірме жұмыстары жүргізілді. Түсініктеме алынды. Т.Алиевке діни қызметкер этикасын сақтау, әлеуметтік желіде өзін байсалды ұстау, ұлтаралық, дінаралық алауыздық туғызатын жағдайларға жол бермеу сынды ескертулер жасалды.
Ол – 2019 жылдан бері Алматы қаласындағы мешіттерде діни қызмет атқарып келеді. Жұмысқа қабылданар алдында ҚМДБ аппаратында аттестациядан өткен. Дәстүрлі Ханафи мәзһабын берік ұстанады. Бүгінде жат діни ағымның алдын алу бойынша насихат жұмыстарын жүргізіп, олардың қателіктерін классикалық еңбектерден көрсетіп келе жатқан діни маман.
Әлеуметтік желіде Т.Алиевтің парақшасында бұрыңғы сәләфи жігітпен болған диалог жарияланған. Ол жазбада:
«мен бұрын ДДА өкілі болдым. Қазіргі таңда 80 пайыз Ханафи мәзһабын ұстанамын. Көп кітап оқимын. Абу Али Ашаридің дәрістерін тыңдаймын. Сондай-ақ, аздап Абу Яхия Крымскийді (сәләфи) де тыңдаймын» - деген текст келтірілген.
Бұл сөздерді найб имам Тимур Алиевпен сөйлесіп отырған сәләфи жігіт айтқан.
Яғни, Тимурдің сөзі емес. Керісінше, Алиев ол жігіттің толыққанды Ханафи мәзһабына өтуіне ықпал етіп, насихат жұмыстарын жүргізген.
Т.Алиев алдағы уақытта әлеуметтік желіде діни қызметкер этикасын сақтайтын болады.
Алматы Орталық мешітінің баспасөз қызметі
Қызықты тақырыптар
Намаз уақыттары 
.jpg)
.jpg)
.jpg)
