ҚҰРБАН АЙТ 2023: ҰЛТТЫҚ ОЙЫНДАР ОЙНАТЫЛДЫ
Алматы мешіттерінде Құрбан айт мерекесінің алғашқы күні ұлттық спорт түрлерінен сайыстар өтті.
Таңғы 06:00-де айт намазын оқыған жамағат қаланың бірнеше мешіттерінде ұйымдастырылған ұлттық спорттан спартакиадаларға қатысып, өзара бақ сынасты. Атап айтсақ, Алматы Орталық мешітінде айт намазынан кейін Құрбан айт мерекесіне орай ұлттық ойындардан сайыстар өтті. Соның ішінде арқан тарту, асық ату, қол күресі мен қой көтеруден балуандар алдына жан салмады. Спорттық шара жамағат арасында тартысты да қызықты өтті. Жеңімпаздарға бағалы сыйлықтар табысталды.
Қаланың бірқатар мешіттерінде атап айтсақ, Алматы Орталық мешіті, «Бекет ата», «Мырзахмет», «әл-Мәдина», «Абдулла», «Райымбек батыр», «Нұр-Мүбарак», «Ынтымақ» және «Мұхамед әл-Әмин» мешіттерінің аулаларына киіз үйлер құрып, жамағатқа дәстүрге сай дәм ұсынылуда. Сонымен қатар мешіт аулаларында ұлттық ойындар жаңғырып, құрбан айт мерекесі қызықты думанға жалғасуда. Жүлдегерлер бағалы сыйлықтармен марапатталды. Орталық мешіт ауласында "Әйел-қыздар" секторының ұйымдастыруымен жәрмеңке өткізілді.
Қала мешіттерінде құрбан айттың келесі күндерінде де қызықты бағдарламалар жалғасын таппақ.
Алматы Орталық мешітінің баспасөз қызметі
Тақырып бойынша жаңалықтар
Қызықты тақырыптар
Намаз уақыттары 
