Жаңалықтар

Жаңалықтар Azan.kz жаңалықтары ҚҰРБАН АЙТ - 2022: АЛМАТЫДА 5501 ОТБАСЫНА 34 ТОННАДАН АСА ЕТ ТАРАТЫЛДЫ

ҚҰРБАН АЙТ - 2022: АЛМАТЫДА 5501 ОТБАСЫНА 34 ТОННАДАН АСА ЕТ ТАРАТЫЛДЫ

12.07.2022 1 548 0

Күллі мұсылман қауымы аңсай күткен ұлық мереке – Құрбан айттың үшінші күні де аяқталды.

Биылғы Құрбан айт ҚМДБ Төрағасы, Бас мүфти Наурызбай қажы Тағанұлы хазреттің бастамасымен 9-11 шілдеге күндері онлайн және офлайн түрде өтті. Алматы қаласындағы 53 мешітте таңғы сағат 06:30-да айт намазы оқылып, қала әкімдігі бекіткен 13 орында құрбандық шалынды. Бұдан өзге қала мешіттерінің барлығында ет қабылдау пункттері қызмет етті. Сонымен қатар онлайн түрде «qurban2022.kz» сайты арқылы тапсырыс қабылданды.

Алматы қаласы өкілдігі бойынша онлайн және офлайн түрінде 1586 ұсақ мал (1474 қой, 112 ешкі), 34 ірі қара (сиыр) құрбандыққа шалынды. Оның ішінде 19 мекемеге құрбандық еті таратылып, көмек көрсетілді. Одан өзге қала мешіттеріне тұрғындар тарапынан 4 тоннаға жуық ет әкелініп, қабылдау пункттеріне өткізілді. Жалпы алғанда Алматы өкілдігінде 5501 отбасына 34 тоннадан астам ет үлестірілді. Бұл көрсеткіш өткен жылмен салыстырғанда 17,6%-ға жоғары.

Құранда «Хаж» сүресінің 28-аятында: «Құрбанның етінен өздерің жеңдер, әрі міскіндер мен кедейлерге жегізіңдер», - делінген. Құрбандыққа шалған малдың етінен өзі алып, өзгелерге таратқан барша мұсылман қауымының құрбандықтары қабыл болсын! Мұқтаж жандардың көңілдеріне қуаныш сыйлауға үлес қосқан жергілікті билік пен Алматы қаласы мешіттерінің діни қызметкерлері мен еріктілер тобына, жанашыр жамағат пен жомарт жандарға құрбандық етін алған отбасылар үлкен алғыс білдірді.

Алла Тағала ізгі ниетпен шалған құрбандықтарыңыз бен дұға-тілектеріңізді қабыл етсін!

Алматы Орталық мешітінің баспасөз қызметі

ДЕРЕККӨЗІ Azan.kz

Ислам ақпараттық-ағарту порталы

Оқырмандардың пікірі (0)

Қызықты тақырыптар

ҚҰРБАН АЙТ - 2022: БАЛАЛАР ҮЙІНДЕ МЕРЕКЕ ТОЙЛАНДЫ

ҚМДБ Төрағасының орынбасары, наиб мүфти Кенжеәлі қажы Қоңыратбайұлы мен Алматы қаласының бас имамы Төлеби Оспан қалалық №1 балалар үйіне барып, Құрбан айт мерекесімен құттықтады....

12.07.2022 1 406 0

ҚҰРБАН АЙТ - 2022: ӘЙЕЛ-ҚЫЗДАР СЕКТОРЫ АЙТТЫҚ БАС ҚОСУ ӨТКІЗДІ

Алматы қаласы өкілдігіне қарасты әйел-қыздар секторы Құрбан айт құрметіне орай рухани бас қосу өткізді.

10.07.2022 1 543 0

ҚҰРБАН АЙТ - 2022: БАЛАЛАРҒА АЙТТЫҚ СЫЙ ТАРАТЫЛДЫ

Алматы қалалық мешіттерінде Құрбан айт күндері балаларға тәтті сыйлар таратылып, қаланың көрікті жерлерінде мерекелік іс-шаралар болып өтті.

10.07.2022 1 059 0

ҚҰРБАН АЙТ - 2022: ҰЛТТЫҚ ОЙЫНДАРДАН САЙЫСТАР ӨТТІ

Алматы мешіттерінде Құрбан айт мерекесінің алғашқы күні ұлттық спорт түрлерінен сайыстар өтті.

09.07.2022 1 300 0

ПРЕЗИДЕНТ ҚАЗАҚСТАНДЫҚТАРДЫ ҚҰРБАН АЙТПЕН ҚҰТТЫҚТАДЫ

Қазақстан Президенті Қасым-Жомарт Тоқаев Қазақ елін күллі мұсылман қауымының қасиетті мерекесі Құрбан айтпен құттықтады. Мемлекет басшысының құттықтауы Ақорданың ресми сайтында жарияланды....

09.07.2022 860 0