Қасым-Жомарт Тоқаев Рамазан айының басталуымен құттықтады

13.04.2021 2 027 0

Мемлекет басшысы Қасым-Жомарт Тоқаев Қазақстан халқын Рамазан айының басталуымен құттықтады. Бұл туралы Президенттің Баспасөз қызметі хабарлады.

«Бұл – күллі мұсылман қауымы үшін рухани тұрғыдан жаңару кезеңі. Сондай-ақ, Ораза айында өзара сыйластық пен мейірім, ізгілік пен кешірім сияқты асыл қасиеттер дәріптеледі. Жұрт көмекке мұқтаж жандарға қол ұшын беріп, қайырымдылық көрсетуге, сауапты іс атқаруға ұмтылады. Ислам дінінің осындай мызғымас рухани құндылықтары мен жасампаздық әлеуеті қоғамымыздағы бірлік пен ынтымақты одан әрі нығайтуға ықпал етеді.

Өкінішке қарай, биыл да Рамазан айы күрделі кезеңде өтетін болды. Жұқпалы дертті ауыздықтау үшін барлық шаралар жасалуда. Еліміздегі мұсылман жамағатын қауіпсіздік талаптарын сақтауға, Қазақстан мұсылмандары діни басқармасының ұсынымдарын мүлтіксіз орындауға шақырамын. Біз бұл сынақты ауызбіршілік пен жауапкершіліктің арқасында еңсеретініміз сөзсіз. Тұтқан оразаларыңыз қабыл болсын!» деді Президент.

Сондай-ақ Мемлекет басшысы елімізге амандық, әр шаңыраққа бақ-береке тіледі.

Президенттің Баспасөз қызметі

Оқырмандардың пікірі (0)

Қызықты тақырыптар

Ақтауда жаңа мешіт салынады

Ақтау қалалық Бекет ата мешітінің ескі ғимаратының орнына жаңа мешіт бой көтереді. Заманауи үлгідегі мешіт 900 шаршы метр аумақты алып, 1 мың адамға арналады.

12.04.2021 1 608 0

Бас мүфти «КӨШПЕЛІ КЕРУЕН» қайырымдылық шарасына қатысты (ФОТО)

ҚМДБ «Зекет және қайырымдылық» қоры Қызылорда облысы өкілдігінің ұйымдастыруымен Жалағаш ауданында «Көшпелі керуен» қайырымдылық шарасы өтті.

12.04.2021 1 706 0

ҚМДБ Төрағасы көпбалалы 3 отбасыға пәтер кілтін табыстады (ФОТО)

Қазақстан мұсылмандары діни басқармасының Төрағасы, Бас мүфти Наурызбай қажы Тағанұлы Қызылорда облысына жасаған жұмыс сапарында «Ел үлесі – пәтерге» қайырымдылық шарасына қатысты....

12.04.2021 940 0

Ауыл имамдарына қаржылай сертификат берілді (ФОТО)

Қазақстан мұсылмандары діни басқармасының Төрағасы, Бас мүфти Наурызбай қажы Тағанұлы Сыр өңіріне жасаған жұмыс сапарында ауыл имамдарымен кездесті.

12.04.2021 1 514 0

Қызылордада «HALYQ ARNA» филиалы ашылды (ФОТО)

ҚМДБ Төрағасы, Бас мүфти Наурызбай қажы Тағанұлы Сыр өңіріне жасаған сапарында Діни басқарманың «HALYQ ARNA» телеарнасының жаңа филиалы «TANYMMEDIA» студиясының ашылу рәсіміне қатысты....

12.04.2021 1 173 0

Бас мүфти Сыр өңірінде жаңа мешіттің ашылуына қатысты (ФОТО)

Сыр өңіріне жұмыс сапарымен келген Қазақстан мұсылмандары діни басқармасының Төрағасы, Бас мүфти Наурызбай қажы Тағанұлы Қызылорда облысы, Жалағаш аудандық «Иманқұл ата» мешітінің жаңа ғимаратының ашылу рәсіміне қатысты....

12.04.2021 1 481 0