МӘУЛІТ-2023: «Пайғамбарымызды ﷺ танисыз ба?» КІТАБЫ ТЕГІН ТАРАТЫЛДЫ
Қазақстан мұсылмандары діни басқармасының ұйымдастыруымен өткізілген «Ізгілік жаршысы – Мұхаммед (ﷺ)» тақырыбындағы рухани мәуліт кешіне келген көрермендерге қайта өңделіп, толықтырылған «Пайғамбарымызды ﷺ танисыз ба?» тегін таратылды.
Кітапта Пайғамбар мен әулие, Құран даналықтары, мұғжиза мен керемет, Мекке мен нұрлы Мадина қалаларының қасиеттері, салауат пен мәуліт сияқты өзекті тақырыптар түйіні кеңінен тарқатылған. Сондай-ақ әлемдік және қазақ ойшылдары мен ғұламаларының Пайғамбарымыздың (оған Алланың салауаты мен сәлемі болсын) тұлғасы жайлы толғаулары жазылды. Аталмыш еңбекте әз Пайғамбарымыз (оған Алланың салауаты мен сәлемі болсын) жайлы көпшілікті толғандырған 370-тен астам сұраққа жауап берілген.
«МUFTIYAT» баспасынан жарық көрген кітаптың авторы «Нұр-Мүбарак» Египет ислам университетінің PhD докторанты, дінтанушы, «Қалқаман» мешітінің бас имамы Руслан Қамбар. Кітап 5 000 дана тиражымен басылып, мәуліт кешіне келген көрерменге тегін таратылды.
Екі қойылымға да келген көрермен үшін «Мәуліт сыйы» ретінде «Пайғамбарымызды ﷺ танисыз ба?» кітабы мен мүфтияттың төл басылымы «Munara» газеті және «Иман» журналы салынған 5 000 дана қалташа тегін таратылды.
Рухани Мәуліт кешінің басты мақсаты – пайғамбарымызға салауат айту, оның асыл қасиеттерін дәріптеу, халық арасында имандылықты насихаттай отырып, тұрақтылық пен тыныштыққа үндеу болып табылады.
Алматы Орталық мешітінің баспасөз қызметі
Тақырып бойынша жаңалықтар
Қызықты тақырыптар
Намаз уақыттары 
.png)
