ҚМДБ: «РАНТ ЖӘНЕ ЖАНТ ТҰҒЫРНАМАСЫ» ҚАБЫЛДАНДЫ (ФОТО)
Бүгін Алматыда Қазақстан мұсылмандары діни басқармасының Республикалық ақпараттық-насихат тобы мүшелеріне арналған семинар басталды.
Семинар жұмысына ҚМДБ Төрағасы, Бас мүфти Наурызбай қажы Тағанұлы арнайы қатысып, РАНТ мүшелеріне «Уағыз айту әдебі мен уағызшының міндеті» тақырыбында дәріс оқыды. Сондай-ақ уағызшы имамдарды мүбәрак Мәуліт айымен құттықтап, дін жолындағы қызметтеріне береке тіледі.
«Расында да қоғамда әртүрлі пікірдегі сан алуан адам бар. Біз барлығының ойынан шыға бермеуіміз мүмкін. Ең бастысы қара шаңырағымыз болған Қазақстан мұсылмандары діни басқармамыздың аясына топталып, ауыз-біршілігімізді сақтап, ықыласпен қызмет етуіміз керек. Осы орайда облыстарға барып, қызмет жасап, насихат жұмыстарын жүргізіп отырған өздеріңізге алғыс білдіремін» деді ҚМДБ Төрағасы.
Айта кетейік, семинар барысында РАНТ мүшелеріне дін ғалымдары, Діни басқарманың Ғұламалар кеңесі мүшелері Сансызбай Құрбанұлы, Ершат Ағыбайұлы, Төрәлі Қыдыр, Рашид Мұхитденов және басқа да ұстаздар дәріс оқып, сертификат табысталады. Семинардың мақсаты – РАНТ-ның қоғамдағы беделін арттыру.
Республикалық ақпараттық-насихат тобы мүшелеріне арналған семинарда ҚМДБ Төрағасы Наурызбай қажы Тағанұлы «РАНТ және ЖАНТ тұғырнамасын» таныстырды.
«Біз өткенде арнайы тұғырнаманы бекіттік. Сіздер әртүрлі ортада жүресіздер. Жамағатпен жиі кездесесіздер. Міне, бұл құжатта адамдармен қарым-қатынас жасағанда көркем мінезбен жауап беру, әдепке сай киіну, адамның абыройына нұқсан келетін дүниеден аулақ болу, әлеуметтік желілерде әдеп сақтау сынды мәселелер қамтылды. Одан бөлек Діни қызмет туралы заңды басшылыққа ала отырып, ҚМДБ Жарғысы мен қызметтік этиканы сақтау, ҚМДБ бекіткен пәтуаны басшылыққа алу, аудиторияға сай сөйлеу, ақида мәселесінде абай болу, жамағатпен талас-тартысқа бармау сынды мәселелер құжатта қарастырылды. Сондықтан тұғырнаманы әркез басшылыққа алуларыңызды сұраймын» деді Бас мүфти.
Айта кетейік, «РАНТ және ЖАНТ тұғырнамасы» ҚМДБ Ғұламалар кеңесінің кезекті мәжілісінде талқыланып, бекітілген болатын.
Тақырып бойынша жаңалықтар
Қызықты тақырыптар
Намаз уақыттары 
.jpg)
.jpg)
.jpg)
.jpg)
