МӘУЛІТ-2022: ЖӘКЕН ОМАРОВ МӘУЛІТ ЖЫРЫН ОҚЫДЫ
Қазақстан мұсылмандары діни басқармасының төрағасы Наурызбай қажы Тағанұлы Республика сарайында өткен Мәуліт кешіне қатысып, жамағатқа уағыз айтты.
«Мәулiт – пайғамбарлардың сардары Мұхаммедтің (оған Алланың салауаты мен сәлемі болсын) дүниеге келген, әлемді нұрға толтырған Құдай Тағаланың мейiрiм-рахымын молынан жаудырған тарихи күн. Өздеріңіз жақсы білесіздер, Пайғамбарға салауат айтқан адам сансыз сауапқа кенеледі. Пайғамбарымыз (оған Алланың салауаты мен сәлемі болсын): «Кім маған бір салауат айтса, Алла Тағала оған он салауат айтады» деген. Біз бұл хадистен сансыз сауапқа кенелу үшін көбірек салауат айту қажеттігін түсінеміз» деді Наурызбай қажы Тағанұлы.
Ақын, сазгер Жәкен Омаров жылдағы дәстүрмен пайғамбарымыздың өмірбаянын қазақ тілінде жырлады. Бұған дейінгі мәуліт мерекелерінде Пайғамбарымыздың балалық шағы, одан кейін пайғамбарлықтың келуі, миғражға көтерілуі, одан кейін хижреттің алғашқы жылдары мен Бәдір, Ұхуд ғазауаты, хазреті Хамзаның шейіт болуына тоқталған болатын. Биылғы рухани мәуліт кешінде Ұхудтан кейінгі кезең, хазіреті Хафса, Үммү Сәләмә аналар, хазіреті Хусейн, Хасанның туылуы, исламды мойындау, Раджих оқиғасы, Маьуна, құныт дұғасы, яхудилер, арақ-шараптың харам болуы, орамал парыз болуы, Мусталиқ тайпасы, Хандәқ ғазауаты тағы басқа хижреттің 5 жылындағы елеулі оқиғалар баяндалды. Адамзаттың ардақтысы, соңғы Пайғамбар Мұхаммедтің (оған Алланың салауаты мен сәлемі болсын) өнегелі ғұмырын көрермен тапжылмай тыңдады. Сүйікті Пайғамбарға (оған Алланың салауаты мен сәлемі болсын) көрермен аяқтан тік-тұрып сағынышқа толы салауат жырларын арнады. Алла қабыл етсін!
Алматы Орталық мешітінің баспасөз қызметі
Интересные материалы
Время намаза 
