ФОТО: АЛАТАУ БӨКТЕРІНДЕ БАС МҮФТИ АУЫЗАШАРЫ БЕРІЛДІ
Кеше Алматы қаласындағы «RIXOS» қонақ үйіндегі «BALLROOM» мейрамханасында Қазақстан мұсылмандары діни басқармасының төрағасы, Бас мүфти Серікбай қажы Сатыбалдыұлының атынан дастархан жайылып, ауызашар берілді. Ақшам намазынан соң жамағатқа айқара ашылған берекелі дастархан басында елімізге танымал қоғам және мемлекет қайраткерлері, мұсылман мемлекетінің арнайы қонақтары мен зиялы қауым өкілдері, Алматы қаласы әкімінің орынбасары Арман Оразбайұлы Қырықбаев және бұқаралық ақпарат құралдарының тілшілері, өнер адамдары мен Алматы қаласы аудандық мешіттерінің бас имамдары бас қосып, ғибратты отырыс өткізді.
Алматы қаласы Орталық мешітінің наиб имамы Қасым Ашимовтың әуелеткен азанымен басталған берекелі кеш шымылдығын Бас мүфти Серікбай қажы Сатыбалдыұлы ашып, жамағаттың ізгі лебізін жеткізді. Күллі әлемге рақым етіліп қана жіберілген Мұхаммед пайғамбарымыз (Оған Алланың игілігі мен сәлемі болсын) айтқандай[1], Рамазан айында ораза ұстаған мұсылманның қос қуанышының бірін бастан кешіріп, берілетін сансыз сауабынан үміттенген мұсылман жамағатын қасиетті Рамазан айымен құттықтап, ақ пейілмен жайылған ауызашар дастарханында бас қосқанына ризалығын білдірді.
Шынайы ықыласпен Алладан сұраған дұғасымен басталған ауызашар дастарханына жиылған жамағатты Біріккен Араб Әмірліктерінің федералдық ұлттық кеңесінің депутаты, Толеранттылық пен бейбітшілік жөніндегі жаһандық кеңес төрағасы Ахмед Мұхаммед Әл-Джаруан арнайы құттықтап, ізгі тілегін жолдады. Сондай-ақ, «Нұр-Мүбарак» Египет Ислам мәдениеті университетінің ректоры профессор, доктор Жуда Абдулғани Басюни де жиылған жамағатты берекелі аймен құттықтап, ыстық ықыласын жеткізді. Қонақтардың тәніне ғана емес, жанына да рухани азық берген ғибратты отырыста елімізге танымал тұлғалар мен мұсылман мемлекетінің өкілдері де ізгі ниеттерін білдіріп, қасиетті Рамазан жайында ой өрбітті.
Берекелі ауызашар дастарханы соңында Алматы қаласы Орталық мешітінің Бас имамы Еркінбек қари Керімбекұлы қасиетті Құран Кәрім аяттарын оқып, Бас мүфти Хазрет бата беріп, ел мен жер үшін, ақиқат дініміздің өркендеуі үшін дұға жасады.
Алла Тағала барша мұсылманның оразасын қабыл етсін!
Алматы қаласы Орталық мешітінің Баспасөз қызметі
[1] Рамазан айында ораза ұстаған мұсылманға екі түрлі қуаныш бар: біріншісі - ауыз ашқан кезіндегі қуаныш, екіншісі - ұстаған оразасы үшін Раббысынан алған сауабы үшін қуаныш.
Тақырып бойынша жаңалықтар
Рамазан айы үлкен мерекемен аяқталады. Бұл мереке – Ораза айт мерекесі. Бұл күні барлық мұсылмандар мерекелік намаз – Айт намазын жамағатпен оқу үшін мешітке ағылады. Намаздан соң мерекелік құтпаға қатысу – сүннет болып табылады. Бұл күні мұсылмандарға мүмкін болса жуынып- шайынып, ер адамдар үстіле...
Бүгін, мінеки, көптен күткен қасиетті Рамазан айымен қауышып, мұсылмандар оразаның бірінші күнін ұстап, ауыздарын бекітті. Осыған орай, Алматы қаласы Орталық мешітінде, ораза тұтқандардың сауабына қалу ниетінде, 500 адамға арнап ауызашар дастарханы жайылды. ...
Қазақстан Республикасының Президенті Қасым-Жомарт Тоқаев қазақстандықтарды Рамазан айының басталуымен құттықтады:
Рамазан айының басталуын нақты анықтау шариғи үкімдер мен астрономиялық есептер негізінде жүзеге асады. Алғашқы кезеңде мұсылмандар жаңа туған айды көзбен көретін. ...
Күллі момын-мұсылманды шат-шадыман қуанышқа бөлеп, әр шаңыраққа Алланың берекесі мен сәлемінің ұшқынын ала келетін Ораза Айт мерекесі Алматы қаласы Орталық мешітінде жоғары деңгейде өткізілді. Таң намазынан бастап ең әдемі киімдерін киіп, хош иістерін себініп, жүздері қуанышқа толған жамағат мешітке...
Барша мұсылманның ұлық мерекесі – Ораза айтпен шын жүректен құттықтаймын! Күндердің сұлтаны болған Жұмамен тұспа-тұс келген Ораза айт мейрамы мүбарак болсын! Тақуалық пен ізгіліктің, жомарттық пен мейірімділіктің айы – қасиетті Рамазанда жасаған дұға-тілектеріңіз бен игі амалдарыңызды Алла қабыл етс...
Қызықты тақырыптар
Қазақстан мұсылмандары діни басқармасының төрағасы, Бас мүфти Серікбай қажы Ораз қасиетті рамазан айында Алматы қаласының мешіттерін аралап, тарауық намаздарына қатысып, уағыз айтуда....
Қазақстан мұсылмандары діни басқармасының төрағасы, Бас мүфти Серікбай қажы Ораз қасиетті рамазан айында Алматы қаласының мешіттерін аралап, тарауық намаздарына қатысып, уағыз айтуда....
Сіздерді күллі мұсылман қауымы асыға күткен қасиетті рамазан айының келуімен шын жүректен құттықтаймын! Әр шаңыраққа шаттық пен бақыт, бірлік пен береке тілеймін! Баршаңызға Жаратқан Ием жар болсын!...
Бүгін Қазақстан мұсылмандары діни басқармасының төрағасы Серікбай қажы Ораз Алматы қаласында «Интерфакс-Қазақстан» агенттігінде қасиетті рамазан айының келуіне орай баспасөз мәслихатын өткізді....
Рамазан айының басталуын нақты анықтау шариғи үкімдер мен астрономиялық есептер негізінде жүзеге асады. Алғашқы кезеңде мұсылмандар жаңа туған айды көзбен көретін. Ғылым мен технология дамыған заманда мұсылмандық күнтізбе шариғи үкім мен ғылыми зерттеулер негізінде жасалды....
Бүгін Астана қаласында сәулеті ерекше мешіт ашылды. Алла үйінің ашылу салтанатты рәсіміне мемлекет және қоғам қайраткерлері қатысты.
Намаз уақыттары 
.jpg)
.jpg)
.jpg)
.jpg)
