Жаңалықтар

Жаңалықтар Ел тынысы Бас мүфти құрбан шалу рәсімі қалай өтетінін хабарлады (ФОТО)

Бас мүфти құрбан шалу рәсімі қалай өтетінін хабарлады (ФОТО)

15.07.2021 1 316 0

Бүгін Бас мүфти Наурызбай қажы Тағанұлы Орталық Коммуникациялар қызметінде өткен брифингке қатысып, биылғы Құрбан айттағы құрбан шалудың ерекшелігіне тоқталды.

ҚМДБ Төрағасы брифингте бүгін дүниеден өткен Қазақстан мұсылмандары діни басқармасының бұрынғы бас мүфтиі, дін қайраткері, академик, көрнекті ғалым Әбсаттар қажы Дербісәлінің отбасына көңіл айтты.

Одан әрі Наурызбай қажы Тағанұлы Құрбан айт мерекесі биыл елімізде 20-22 шілде аралығында өтетінін хабарлай келе, құрбандық шалу рәсімі қатаң санитарлық-эпидемиологиялық талаптарды сақтай отырып, «қызыл» аймақта тек онлайн форматта, ал «сары», «жасыл» аймақтарда онлайн және офлайн форматта өткізілетінін алға тартты.

«2021 жылы құрбан шалу рәсімін өткізу екі жолмен жүзеге асырылады. Бірінші жолы – мемлекеттік санитарлық-эпидемиологиялық қадағалау органдары тарапынан рұқсат берілген жергілікті қасапханаларда санитарлық ережелерді қатаң сақтай отырып «сары» және «жасыл» аймақтарда онлайн және офлайн форматта өткізу.

Екінші жолы – еліміздің «қызыл» аймақтарында бүгінгі пандемия жағдайында құрбан шалушыға қолайлы жағдай жасау және көмекке мұқтаж жандарды қолдау мақсатында өткен жылдың тәжірибесін қолданып, құрбан шалу рәсімін шариғаттағы «өкілдік» қағидасына сәйкес qurban2021.kz сайты арқылы тек онлайн режимде жүзеге асыру» деп атап өтті Бас мүфти.

Брифинг кезінде Бас мүфти құрбандық шалатын арнайы бекітілген орындар және мұқтаж отбасыларға құрбандық етін тарату жұмысын ҚМДБ-ның өкілдіктері, мешіт жамағаты мен еріктілер жүзеге асыратынын атап өтті.

ДЕРЕККӨЗІ muftyat.kz

ҚМДБ ресми сайты

Оқырмандардың пікірі (0)

Қызықты тақырыптар

Бас мүфти Наурызбай қажы Тағанұлының Құрбан айт қарсаңында кәсіпкерлерге үндеуі

Қадірлі отандастар! Құрметті кәсіпкерлер! Мұсылман қауымының ұлық мейрамы – Құрбан айтқа санаулы күндер қалды. Ұлық күнде исі мұсылман баласы шынайы ниетпен құрбан шалып, құрбандық етін мүгедектер мен жетімдерге, көпбалалы отбасылар мен қарттарға таратып, алғысын алуға тырысады. Адамның алғысын а...

14.07.2021 1 538 0

Құрбан айтқа орай ҚМДБ төралқа отырысы өтті (ФОТО)

Елордада Бас мүфти Наурызбай қажы Тағанұлының төрағалығымен Құрбан айт мерекесіне орай ҚМДБ қызметкерлері мен имамдардың жиыны өтті.

14.07.2021 954 0

ҚМДБ: 20 шілде – құрбан айт мерекесінің бірінші күні

Ислам дінінде зұлхижжа айының алғашқы он күні қасиетті күндер саналады. Һижри жыл санауы бойынша 1442 жылдың зұлхижжа айы 11 шілде күні басталды. Ал арапа күні 19 шілдеге сәйкес келеді. 20 шілде – Құрбан айт мерекесінің бірінші күні. Қазақстан мұсылмандары діни басқармасы көптеген мұсылман елдерінің...

14.07.2021 2 976 0

Қажылық сапарына қатысты ҚМДБ мәлімдемесі

Қазақстан мұсылмандары діни басқармасының Қажылық бөлімі жыл басынан бері 2021 жылғы қажылық маусымына қатысты ресми мәлімдемелер мен жаңалықтарды бұқаралық ақпарат құралдарына жүйелі түрде жариялап, халықты хабардар етіп келеді. Сонымен қатар Сауб Арабия Корольдігінің Денсаулық сақтау және Қажылық ...

12.07.2021 1 319 0

Құрбан шалудың үкімі қандай?

Ханафи мәзһабы бойынша құрбан айт күндері құрбан шалу муқим (жолаушы емес), бай, азат мұсылман адамға уәжіп (міндет) болады[1].

12.07.2021 1 374 0

ҚМДБ жұмыс тобы құрбандық малының бағасын бақылайды (ФОТО)

Бас мүфти бастамасымен қасиетті Құрбан айт мерекесіне орай ҚМДБ Орталық Аппаратында арнайы жұмыс тобы құрылып, бүгін Нұр-Сұлтан қаласы бойынша құрбандыққа шалынатын мал бағасын нақтылады....

12.07.2021 1 423 0