Бас мүфти: Құрбан айт құтты болсын! (ВИДЕО)

09.08.2019 6 562 0

2019 жылдың 11 тамызы – Құрбан айттың бірінші күні!

Серікбай қажы ОРАЗ,

Қазақстан мұсылмандары діни басқармасының төрағасы, Бас мүфти

ҚҰРБАН АЙТ ҚҰТТЫ БОЛСЫН!

Аса Қамқор, ерекше Мейірімді Алланың атымен бастаймын!

Құрметті қауым!

Баршаңызды қасиетті Құрбан айттың келуімен құттықтаймын. Айт қабыл болсын! Отбасыларыңызға бақ-береке, ырыс пен ынтымақ, Алланың амандығын тілеймін!

Құрбан айт – исі мұсылманның ұлық мейрамы. Айт күндері ағайын-жұрт бір-біріне: «Айт қабыл болсын!» айтып, ізгі тілектерін жеткізіп, алғыстарын жаудырады. Осы ретте сіздерге ізгі ниетпен Жаратқанның жақсылығын тілеймін.

Туыс пен бауырға, көрші мен дос-жаранға айттап бару, қадірлі қонаққа айттық беріп, үлкеннің алғысы мен батасын алу – сонау заманнан жалғасып келе жатқан мұсылмандық дәстүріміз. Осы игі дәстүрді қоғамда қайта жаңғыртып, жастарға үлгі-өнеге көрсетуге шақырамын!

«Құрбан» сөзі «жақын болу», «жақындау» деген ұғымдарды білдіреді. Мұсылман баласы айт күні құрбандық шалу арқылы Аллаға деген ақ ниетін паш етеді.

Өйткені, Алла Тағала қасиетті Құранда:

«Ұмытпаңдар, олардың еті де, қаны да ешқашан Аллаға жетпейді. Оған жететін нәрсе – жүректеріңізге ұялаған тақуалықтарың (шынайы ниеттерің)» («Хаж» сүресі, 37-аят), – деп адал ниеттің маңыздылығын атап өткен.

Ардақты ағайын!

Құрбан айтта орындалатын ең қайырлы амал – құрбан шалу. Айт күні жағдайы бар кісілер құрбан шалып, оны қараусыз қалған қариялар мен жетімдерге, көпбалалы отбасыларға таратып, сауап алуға тырысады. Алайда, айт күндері мал бағасы қымбаттап кететін жағдай жиі орын алады. Осы ретте отандастарымды мал бағасын шарықтатпай, пайдаға емес, сауапқа бөленуге үндеймін. Өйткені, Құрбан айт – қанағат пен қайырымдылықтың мерекесі.

Ұлық мейрамда жасайтын барша сауапты амалдарыңыз, қайырымдылық істеріңіз қабыл болғай! Қасиетті Мекке қаласында қажылығын өтеп, еліміздің игілігі үшін дұға жасап жатқан ата-апаларымыздың, бауырларымыздың тілегі қабыл болғай!

Алла Тағала баршамызды айттан айтқа аман-есен жеткізіп, ізгі істер мен қуанышты сәттерде басқосуымызды нәсіп еткей! Әмин!

Оқырмандардың пікірі (0)

Қызықты тақырыптар

Қазақстан қалалары бойынша құрбан айт намазының уақыттары (2019 ж.)

Қазақстан мұсылмандары діни басқармасы Халықаралық астрономиялық зерттеу орталығының мәліметін негізге ала отырып, осы жылы Құрбан айт мерекесі тамыз айының 11-і күні басталатынын хабарлайды....

09.08.2019 18 190 0

ҚМДБ: Биыл 20 мыңнан астам балаға сыйлық үлестіріледі (ФОТО)

2019 жылы жаңа оқу жылы қарсаңында Қазақстан мұсылмандары діни басқармасы «Мектепке жол» қайырымдылық акциясы аясында 20 мыңнан астам балаға мектепке қажетті оқу құралдары мен сөмке үлестіреді. Бұл туралы Бас мүфти Серікбай қажы Ораз Елордада өткен алқалы жиында атап өтті....

08.08.2019 5 493 0

2019 жылы Құрбан айт қашан басталады? / ҚМДБ мәлімдемесі

Қазақстан мұсылмандары діни басқармасы 2019 жылы Құрбан айт мерекесі тамыз айының 11-і күні басталатынын хабарлайды.

02.08.2019 14 045 0

Бас мүфти қажылардың алғашқы легін қасиетті мекенге шығарып салды (ФОТО)

Бүгін Алматы әуежайында қажыларды қасиетті мекенге шығарып салу рәсімі өтті. Оған ҚМДБ төрағасы, Бас мүфти Серікбай қажы Ораз қатысты.

31.07.2019 5 848 0

ҚМДБ Қажылық миссия мүшелерінің жиыны өтті

Бүгін ҚМДБ Қажылық миссия мүшелері «Қажылық-2019» маусымын ұйымдастыру мәселесін ортаға салып, пысықтады.

12.07.2019 5 023 0

Алматы: Жат ағымдардың жетегінде кеткендермен жұмыс қарқынды жүруде

Теріс ағымның жетегінде кеткен еліміздің азаматтарымен терең жұмыс жасау мақсатында Алматы қаласында «Кеңес беру және оңалту орталығы» құрылған болатын.

11.07.2019 5 452 0