Бас мүфти Палестина елшісімен сұхбаттасты

06.03.2019 5 753 0

Астанада Қазақстан мұсылмандары діни басқармасының төрағасы Серікбай қажы Ораз Палестина Елшісі Монтасер Әбу Зейд мырзаны өз өтініші бойынша қабылдады.

Кездесуде Қазақстан мен Палестинаның мәдени, рухани салалар бойынша қарым-қатынасы, қазіргі мұсылман үмбетінің өзара ынтымағы мен бауырмашылдығы сөз болды. Басқосуда Бас мүфти Қазақстан тәуелсіздік алғаннан кейін көптеген елдермен, оның ішінде Палестина мемлекетімен қарым-қатынас орнатқанын атап өтті. Өз кезегінде Монтасер Әбу Зейд Қазақстан егемендігін жариялаған сәтте қазақ халқын тәуелсіздікпен құттықтаған мемлекеттер ішінде Палестинаның болғанын тілге тиек етті.

«Біздің еліміздің басты байлығы – халықтар бірлігінде, ұлтаралық, дінаралық татулық пен келісімде. Қазақстан Әлемдік және дәстүрлі дін көшбасшыларының алты дүркін съезін өткізіп, дүниежүзі халықтарын бірлік пен ынтымаққа, өзара достық пен бауырмалдыққа үндеп келеді. Біздің басты құндылығымыз – бейбітшілікте», – деп атап өтті Серікбай қажы Сатыбалдыұлы.

Өз кезегінде дипломат Монтасер Әбу Зейд:

«Рас, Ислам – достық пен сүйіспеншілік діні. Біз исламофобия үрдісі белең алған қазіргі заманда тек адамгершілік пен мейірімділікке негізделген асыл дінімізді көбірек насихаттауымыз керек. Сондықтан, Исламды қаралау ниетімен жасалған кез-келген әрекетке тосқауыл болуымыз керек», – деген пікірін жеткізді.

Кездесу соңында дипломат Дінбасына Палестинаға ресми сапарға шақырды.

ДЕРЕККӨЗІ muftyat.kz

ҚМДБ ресми сайты

Оқырмандардың пікірі (0)

Қызықты тақырыптар

Қазақстанның Біріккен Араб Әмірліктеріндегі жаңа елшісі тағайындалды

ҚР Президенті Біріккен Араб Әмірліктеріне төтенше және өкілетті елші тағайындады. Бұл туралы Ақорданың ресми сайты хабарлады.

27.02.2019 7 087 0

Алматы: Өкіл имам Бас мүфтидің атынан Б.Сатершиновты мерейлі 50 жасымен құттықтады

Бүгін, Алматы қаласы Ғылым ордасы ғимаратында елімізге белгілі ғалым, философия ғылымдарының докторы, профессор Бақытжан Сатершиновтың 50 жылдығына арналған «Ұлы дала халқының діни бірегейлігі қалыптасуының рухани қырлары» атты халықаралық ғылыми-практикалық конференция болып өтті....

20.02.2019 5 620 0

Жамбыл облысына жаңа өкіл имам тағайындалды (ФОТО)

Қазақстан мұсылмандары діни бақармасының Жамбыл облысындағы өкілі, «Һибатулла Тарази» мешітінің бас имамы, медресе директоры Данияр қажы Жұмабаевтың Алматы қаласы Бостандық ауданы «Бәйкен» мешітіне ауысқаны жайлы алдыңғы жаңалықтарда хабарлаған болатынбыз. Данияр қажы Әлимұхамедұлы Жамбыл облысында ...

18.02.2019 9 196 0

Бас мүфти жаңа кітаптың танытымына қатысты (ВИДЕО)

Қазақстан мұсылмандары діни басқармасының Астанадағы жаңа ғимаратында «Аллаға иман», «Періштелерге иман», «Ақыретке иман», «Қазіргі сенім мәселері» атты жаңа кітаптардың танытымы болып өтті. Аталмыш туындылар ҚМДБ-ның төрағасы, Бас мүфти Серікбай қажы Ораздың бастамасымен жарық көрді. Іс-шараға Түрк...

14.02.2019 4 672 0

Қаралы отбасыға «Әзірет Сұлтан» мешітінің ұйымдастыруымен баспана беріледі (ФОТО)

Тілсіз жаудың құрбанына айналған бес періштенің бүгін жаназасы шығарылып, денелері жер қойнына табысталды. Қара жамылған отбасының қайғысына ортақтасуға жиналған Елорда тұрғындары жан-жақтан жанашыр лебіздерін білдіріп, қолдан келген көмектерін көрсету үстінде....

05.02.2019 10 110 0

Бас мүфти Сауд Арабия Королдігінде қажылық бойынша ресми кездесулерге қатысты (ФОТО)

Қазақстан мұсылмандары діни басқармасының төрағасы Серікбай қажы Ораз бастаған делегация Сауд Арабия Королдігінде 2019 жылғы қажылық маусымының ұйымдастыру-үйлестіру жұмыстары бойынша екі жақты ресми кездесулерге қатысты....

29.01.2019 5 563 0