Бас мүфти еріктілерді мерекемен құттықтады

07.12.2020 1 880 0

ҚМДБ Төрағасы, Бас мүфти Наурызбай қажы Тағанұлы еліміздің еріктілер қауымын 5 желтоқсан – Халықаралық Еріктілер мерекесімен құттықтады.

Сенім мәселесі – барша адамның асыл қазынасы. Абай атамыздың «Көкіректе сәуле жоқ, көңілде сенім жоқ. Құр көзбенен көрген біздің хайуан малдан неміз артық?» дейтіні бар. Адамның басқа жаратылыстардан айырмашылығы осында – көкірек көзі мен көңіл сенімінің болуында.

Адамдардың бір біріне деген сенімі күшейген сайын мына өмір де гүл жайнайды. Сенімді күшейтудің бір жолы – мейірімді болу, қамқорлық таныту. Биылғы пандемия кезінде бұл айқын көрінді. Қайырымды жомарт жандар мен мейірімді еріктілер мұқтаж отбасылардан көмегін аяған жоқ. Осындай шынайы жанашырлығымыз біздің береке-бірлігімізді арттыра түсті.

Мүфтияттың, мешіттеріміздің еріктілері көптеген қайырымдылық шаралардың бел ортасынан табылды. Елді жұқпалы ауру жайлағанына қарамастан, пандемия кезінде еріктілер жанын шүберекке түйе отырып, мұқтаж жандардың отбасыларына қажетті заттарды жеткізіп берді. Құрбан айт кезінде де еріктілердің еңбегін ел көрді.

Осындай сын сағатта сауапты істерге атсалысып, жақсылықтың жанынан табыла білген мешіт имамдарына, имамдардың игі ісіне қолғабыс еткен барша еріктілерге өзімнің және Қазақстан мұсылмандары діни басқармасы атынан алғыс айтамын. Жаратушы Ием олардың атқарған әр ісін, басқан әр ізін сауаптан жазғай. Алла Тағала осындай жанашырлығымыз бен береке-бірлігімізді арттыра түскей!

Құрметпен, ҚМДБ Төрағасы, Бас мүфти Наурызбай қажы Тағанұлы

ДЕРЕККӨЗІ muftyat.kz

ҚМДБ ресми сайты

Оқырмандардың пікірі (0)

Қызықты тақырыптар

Muftyat медиа орталығы ашылды (ФОТО+ВИДЕО)

ҚМДБ Төрағасы Наурызбай қажы Тағанұлының бастамасымен Қазақстан мұсылмандары діни басқармасы ғимаратынан MUFTYAT медиа орталығы ашылды.

01.12.2020 1 307 0

Бас мүфти мерекелік медальмен марапатталды (ФОТО)

ҚМДБ Төрағасы, Бас мүфти Наурызбай қажы Тағанұлы Қазақстан халқы Ассамблеясы Төрағасының орынбасары Жансейіт Түймебаевпен кездесті.

30.11.2020 1 705 0

Тарихи сәт: бес мүфти сұхбаттасты (ФОТО)

Қазақстан мұсылмандары діни басқармасының 30 жылдық мерейтойы аясында мүфтиятты әр жылдары басқарған Рәтбек қажы Нысанбайұлы, Әбсаттар қажы Дербісәлі, Ержан қажы Малғажыұлы, Серікбай қажы Ораз, Бас мүфти Наурызбай қажы Тағанұлы бір үстел басында сұхбаттасып, мүфтияттың ізгілік жолындағы игі жұмыстар...

28.11.2020 1 632 0

«ЖОМАРТ ЖҰМА» десек, жараспай ма?

Кейінгі жылдары жұртты жаппай саудаға тартудың неше түрлі әдіс-айласы шықты. Соның бірі – «Қара жұма» (Black Friday) акциясы. Атауының өзінен адам қорқатын «Қара жұма» қайдан шықты?...

28.11.2020 2 983 0

Ислам білімі жайлы халықаралық жиын өтті

Ресей мұсылмандары діни басқармасы мен Ресей Ислам университетінің ұйымдастыруымен «Еуразия кеңістігіндегі ислами білім берудің дамуы» атты халықаралық жиын өтті....

28.11.2020 1 771 0

«Қазақстан мұсылмандарының қарашаңырағы» кітабының танытымы өтті (ФОТО)

Мүфтияттың 30 жылдығына арналған «Бейбітшілік пен рухани келісімді сақтаудағы діни институттардың рөлі» атты халықаралық ғылыми-тәжірибелік онлайн конференцияда «Қазақстан мұсылмандарының қарашаңырағы» (Діни басқармаға – 30 жыл) кітабының тұсауы кесілді....

26.11.2020 2 234 0