Жаңалықтар

Жаңалықтар Ел тынысы Бас мүфти діни басқарманың Мысырдағы жауапты өкілін қабылдады (ФОТО)

Бас мүфти діни басқарманың Мысырдағы жауапты өкілін қабылдады (ФОТО)

14.04.2021 1 422 0

Елордада ҚМДБ Төрағасы, Бас мүфти Наурызбай қажы Тағанұлы Діни басқарманың Мысыр Араб Республикасындағы жауапты өкілі Руслан Серғазиевті қабылдады.

Кездесуде Бас мүфти Мысырдағы жауапты өкілдің жұмыс жоспарымен танысып, бағыт-бағдар берді.

«Бірер ай бұрын Мысыр жеріне жолымыз түсіп, халықаралық деңгейдегі іс-шараларға қатысып қайттық. Каирде оқып жатқан шәкірттермен жүздесіп, жағдайларын білдік. Өзіңізді «білімнің құбыласы» атанған әйгілі әл-Азһар университеті мен Қазақстан мұсылмандары діни басқармасы арасындағы алтын көпір болсын деген сеніммен жауапты өкіл етіп тағайындадым. Сол кезде де айтқанымдай, Діни басқарма шетелде оқып жатқан шәкірттерді рухани һәм әлеуметтік тұрғыдан қолдау көрсетуге әрқашан дайын. Баршасын Мысыр елінде толыққанды білім алып, елге оралып, қоғам игілігі үшін қызмет етуге шақырамын. Білімді, зияткер жастардың елге қызмет етуі біздегі кадр әлеуетін арттыра түспек. Өзіңнің де дін жолындағы қызметіңе береке тілеймін» деді Наурызбай қажы Тағанұлы.

Өз кезегінде Руслан Амантұрсынұлы Бас мүфтиге Каирдегі шәкірттерге көрсетіп отырған қолдауы үшін алғыс айтып, студенттердің сәлемін жеткізді. Ел Тәуелсіздігінің 30 жылдығы, Рамазан айы, Ораза мен Құрбан айт мерекелерінде атқарылатын тағылымды іс-шаралар туралы баяндап, алдағы уақытта да «Талаба» қауымдастығының жұмысын жетілдіруге атсалысатынын тілге тиек етті.

Естеріңізде болса, Бас мүфти наурыз айында Мысыр Араб Республикасына жасаған ресми сапары барысында Каирде оқып жатқан қазақстандық студенттермен жүздесіп, сұхбаттасқан болатын. Сондай-ақ «Талаба» қауымдастығының шәкірттеріне тәуелсіздігіміздің 30 жылдық мерейтойына орай 1 млн теңге қайырымдылық көмек көрсеткен еді.

ДЕРЕККӨЗІ muftyat.kz

ҚМДБ ресми сайты

Оқырмандардың пікірі (0)

Қызықты тақырыптар

ҚМДБ бөлім басшылары спорт алаңының ашылуына қатысты (ФОТО)

Тараз шаһарындағы «Һибатулла Тарази» медресе-колледжі жанынан спорттық ойын алаңы ашылды.

14.04.2021 1 626 0

Сенат төрағасы барша мұсылман қауымын құттықтады

Сенат Төрағасы Мәулен Әшімбаев еліміздің барша мұсылман қауымын қасиетті Рамазан айының басталуымен құттықтады.

14.04.2021 1 257 0

Оразаға арналған «ХАЛАЛ ДИЕТА» ұсынылды

Қасиетті Рамазан айы қарсаңында «Халал Даму» мамандарының ұйымдастыруымен 30 күнге 30 түрлі ас мәзірін ұсынатын «Халал диета» онлайн марафоны @haladamu.kz парақшасы арқылы көрерменге жол тартты....

14.04.2021 1 845 0

Мәжіліс төрағасы рамазан айының басталуымен құттықтады

Мәжіліс Төрағасы Нұрлан Нығматулин жақсылықтың жаршысы атанған Рамазан айының басталуымен барша қазақстандықтарды құттықтады. Бұл туралы Мәжілістің баспасөз қызметі хабарлады....

14.04.2021 1 651 0