АЛМАТЫ: "ҚАРАСАЙ БАТЫР" МЕШІТІ АШЫЛДЫ
Алматы қаласы, Алатау ауданында жаңадан "Қарасай батыр" мешіті ашылды. Мешіттің ашылу салтанатына наиб мүфти К.Мырзабаев, бас имам Т.Оспан, әкімдік қызметкерлері, қала имамдары және ақсақалдар мен ақ жаулықты апалар, мешіт жамағаттары қатысты.
Алатау ауданына қарасты Өжет шағын ауданында орналасқан көрікті Алла үйінің құрылысы аяқталып, сәулеті жарасқан жаңа мешіт жамағат игілігіне берілді. ҚМДБ-ның Төраға орынбасары, наиб мүфти Кенжеәлі қажы Қоңыратбайұлы құттықтау сөз сөйлеп, Бас мүфти Наурызбай қажы Тағанұлы хазреттің сәлемін жеткізді. Сондай-ақ, мешіт салуға демеушілік жасаған кәсіпкерлерге бас мүфтидің алғыс хаты табысталды. Наиб мүфти "Қарасай батыр" мешітіне бас имам болып тағайындалған Есім Ержан Базарбекұлын жамағатқа таныстырды. Алматы қаласының бас имамы Төлеби Дәділұлы жауапты дін қызметіне тағайындалған Ержан Базарбекұлына сәттілік тілеп, дастархан басында жамағатқа насихат айтты. Естеріңізге сала кетейік, бұл имандылық үйі - Алматы қаласы бойынша 54-інші мешіт болып тіркелді.
Алматы Орталық мешітінің баспасөз қызметі
Интересные материалы
Время намаза 
