АЛМАТЫ: «МҰХАММЕД ӘЛ-ӘМИН» МЕШІТІ АШЫЛДЫ
Бүгін қасиетті жұма қарсаңында Алматы қаласының бас имамы Төлеби Дәділұлының қатысуымен Наурызбай ауданында жаңа мешіт ашылды.
Алматы қаласындағы «Перзент» балалар үйінің негізін қалаушы Әмина қажы Әжібаева апаның бастамасымен аталмыш балалар үйінің аумағынан бірнеше жыл алдын Алла үйінің құрылысы басталған болатын. Кәсіпкер азаматтар мен жанашыр жандардың демеушілігімен бүгінде сәулеті жарасқан мешіт құрылысы аяқталып, қасиетті жұма күні ашылу салтанаты өтті. «Жамағат игілігіне беріліп отырған бұл мешіт басқа мешіттен ерекше. Өйткені құлшылық үйі балалар үйінің аумағында тұрғызылды. Қаракөз бүлдіршіндерді қанатының астына алып, бойына ислам дінін дарытуға елеулі еңбек етіп жүрген Әмина апамызға Алла разы болсын!», - деді қаланың бас имамы Төлеби Оспан. Құлшылық үйінде келуші жамағаттың балаларына арналған бөлме, дәріс бөлмелері және мүгедектерге де жағдай жасалынған. Алла үйінің тұрғызылуына демеушілік жасаған барша азаматтарға алғыс айтылды.
Айта кету керек "Мұхамед әл-Әмин" мешіті Алматы қаласы бойынша 53 мешіт болып тіркелді.
Жұма уағызы айтылып, қаланың бас имамы жаңа мешітте жиналған жамағатпен алғашқы жұма намазын оқыды. «Перзент» балалар үйі арнайы дастархан жайып, келген қонақтар дәмнен ауыз тиді.
Алматы Орталық мешітінің баспасөз қызметі
Қызықты тақырыптар
Намаз уақыттары 
.jpg)
.jpg)
.jpg)
.jpg)
