АЛМАТЫ МЕШІТТЕРІНДЕ ЖАҢА ТАҒАЙЫНДАУЛАР
Алматы қаласы, Бостандық ауданында орналасқан «Орбита-3» мешітіне жаңадан имам тағайындалды.
Бүгін Алматы қаласының бас имамы Төлеби Дәділұлы Бостандық ауданы «Орбита-3» мешітінде «Адал ризық және адал кәсіпкерлік» тақырыбында жұма уағызын жүргізді. Адал асты пайдаланудың мұсылман адам үшін екі дүниесіне тигізер пайдаларына тоқталып, адал ас адамның іс-амалының дұрыс болуына, ал арам ас ісінің бұрыс болуына әсер ететінін айтты. «Алла Тағала қасиетті Құранның «Муминун» сүресі, 51-аятында: «Таза нәрселерден жеңдер және ізгі іс істеңдер», – деп ізгі іс атқарудан бұрын астың адалынан жеуді бұйыруының бір сыры осында жатса керек. Демек, Алланың ризалығына бөлеп, ізгі іс атқаруды қалаған әрбір жан асының адалынан болуына аса мән беруі қажет», - деп атап өтті бас имам.
Сондай-ақ қаланың бас имамы қасиетті жұма қарсаңында Бас мүфти Наурызбай қажы Тағанұлының бұйрығымен Дастан Құрманбаев Қызылорда қаласы «Айтбай» мешітінің имамы қызметінен босатылып, «Қазақстан мұсылмандары діни басқармасы» Республикалық Ислами діни бірлестігінің филиалы, Алматы қаласы, Бостандық ауданындағы «Орбита-3» мешітіне имам болып тағайындалғанын жамағатқа жеткізді.
Сондай бұйрықпен аталмыш мешіттің бас имамы қызметін бұған дейін атқарған Сапашов Жанболат Алатау ауданына қарасты «Әскер ата» мешітіне имам болып тағайындалды. Ал Тұрғараев Алмас «Әскер ата» мешітінің имамы қызметінен ауыстырылып, «Орбита-3» мешітіне наиб имам болып тағайындалды.
«Хаққа қызмет – халыққа қызмет» жолында имамдарға сәттілік тілейміз!
Құрманбаев Дастан Жанасұлы
20.10.1991 жылы Қызылорда қаласында дүниеге келген.
Білімі:
2010-2014 ж.ж. «Нұр-Мүбарак» Египет ислам мәдениеті университетінің «Исламтану» мамандығының бакалавры;
2014-2016 ж.ж. «Нұр-Мүбарак» Египет ислам мәдениеті университеті «Исламтану» мамандығының магистрі;
2018-2021 ж.ж. «Нұр-Мүбарак» Египет ислам мәдениеті университеті «Исламтану» мамандығының докторонтурасында білім алған.
Жұмыс өтілі:
2015-2016 ж.ж. «Әбу-Ханифа» ғылыми-зерттеу орталығының кіші ғылыми қызметкері;
2016-2018 ж.ж. Қызылорда облысы, Байқоңыр қаласындағы «Жәрімбет» мешітінің бас имамы;
2018 жылы Қызылорда облысының орталық «Ақмешіт-Сырдария» мешітінің 1-ші наиб имамы;
2018-2019 ж.ж. «Әбу-Ханифа» ғылыми-зерттеу орталығының кіші ғылыми қызметкері;
2019-2020 ж.ж. Қызылорда облысы, Байқоңыр қаласындағы «Жәрімбет» мешітінің бас имамы;
2020 жылдан бастап, Қызылорда қаласындағы «Айтбай» мешітінің бас имамы қызметтерін абыроймен атқарды.
Тілдерді меңгеруі: Қазақ тілі – ана тілі; Орыс тілі – еркін; Араб тілі – еркін.
Қосымша мәліметтер:
2012 жылы «Нұр-Мүбарак» Египет ислам мәдениеті университеті жанындағы Құран жаттату орталығында Құран Кәрімді толық жаттаған.
2017 жылы «Нұр-Мүбарак» Египет ислам мәдениеті университеті жанындағы «Экстремизмнің алдын алу саласындағы мамандарды қайта даярлау» институтының 40 сағаттық курсын бітірген.
2019 жылы ҚМДБ-ның «Қажылық миссиясы» құрамында Сауд Арабиясы Корольдігіне қажылыққа барған.
2020 жылы Докторантура бағдарламасы бойынша Египет Араб Республикасы Каир қаласындағы «Al-Azhar» университетінде, Түркия Республикасы Стамбул қаласындағы «ISAM» ғылыми-зерттеу орталығында тәжірибеден өткен.
ҚМДБ-ға қарасты РАНТ мүшесі.
Үйленген, үш баласы бар.
Алматы Орталық мешітінің баспасөз қызметі
Қызықты тақырыптар
Намаз уақыттары 
.jpg)
.jpg)
.jpg)
.jpg)
